Provérbios 1

Waestok i save givhan long yumi

1 ✝ 1.1: 1 King 4.32 Long buk ya i gat ol waestok blong King Solomon*1.1: Long lanwis ya Hibru, tok ya we i talem se "ol waestok blong King Solomon," hem i save karem tri mining, olsem we tok ya long Bislama i karem. Hem i save min se "ol waestok we King Solomon i raetem," mo i save min se "ol waestok we King Solomon i putum i stap wanples," mo i save min tu se "ol waestok we ol man oli putum wanples blong ona long King Solomon.", king blong Isrel,* we papa blong hem King Deved.

2 Ol tok ya i blong givhan long yumi blong mekem yumi waes, blong yumi save folem ol gudfala advaes, mo yumi save haremsave ol tok we mining blong olgeta i dip. 3 Ol tok ya i save tijim yumi long fasin we bambae yumi save gat hed, mo we yumi no save giaman, mo we yumi save mekem ol fasin we i stret, mo we yumi save mekem i sem mak nomo long olgeta man. 4 Ol tok ya i save openem tingting blong man we i no save samting yet, mo i save mekem ol yang man oli waes gud, mo oli gat gudfala tingting. 5 Ol tok ya i save mekem ol waes man oli gat save moa, mo i save lidim ol man we oli skul gud, 6 blong oli save luksave mining blong ol waestok we i haed gud, mo oli save givim ansa long ol had kwestin we ol waes man oli stap askem.