OL PROVEB 11

16 Woman we i stap givhan long ol man long gladhat blong hem, hem bambae i kasem gudfala nem, mo man we i stap traehad blong mekem bisnes blong hem i gohed, hem bambae i kasem plante samting.*11.16: Tok ya i folem ol olfala Oltesteman long lanwis ya Hibru, be long olfala translesen blong Oltesteman long lanwis blong ol man Gris bifo we i kamaot long olfala Oltesteman ya, tok blong hem i olsem. Woman we i stap givhan long ol man long gladhat blong hem, hem bambae i kasem gudfala nem, be woman we i no folem stret fasin, hem bambae i kasem sem nomo. Man we i stap les, hem bambae i no save kasem mane nating, be man we i stap traehad blong mekem bisnes blong hem i gohed, hem bambae i kasem plante samting.