Natan Asua Anọ Defid
1 Ndin Abọọñ amaadọñ Natan utom anọ Defid. Natan amaakekaa ikikịt Defid, amaabo anye ate, "Mme awo iba ekeba ke abio keed, keed anie ñkpọ, keed ado uweene. 2 Imọ awo ado amaanie uwak ibad edọñ ye enañ, 3 ado awo uweene ami ikinieghe ñkpọ ndomokeed ikan etək ñkpʌk umanedọñ a-anye akedeppe. Anye amaabọọk edọñ ado, anye akọt akpon ye anye mme nditọ amọ. Edọñ ado amaawana ndidia ye anye, anwọñ mmọọñ ke kọọb keed, anyʌñ asidaiya ke ikpanesịd amọ. Akeba nte ayịn awonwaan anọ anye.
4 "Usen keed asenawo amaadi ufọk imọ awo, ado anye amaatre adidat keed ke atu mme edọñ me mme enañ ake amọ nọ enam ndidia enọ asenawo ado a-akediighe abịne anye. Utu ke ado, anye amaadat etək ñkpʌk umanedọñ ake uweene awo ado anyʌñ akama atem ñkpọ anọ awo a-akediighe adise anye."
5 Defid amaabịmme iyadesịd abaña awo ado anyʌñ abo Natan ate, "Ma uwem Abọọñ, awo a-akenamma ñkpọ ami ana akpa! 6 Anye ana akpe akʌk edọñ ado akañ inaañ, sia anye akenamma utọ ñkpọ ado, inyʌññọ inie mbọm."
7 Ndin Natan amaabo Defid ate, "Afo ado awo ado! Ami ado se Abọọñ, Abasi Isrel, atañ: ‘Ami ñkuyet fiin adan nnịm nte adidem ke Isrel, ami ñko mmaufak fiin nsio ke ubọk Sọọl. 8 Ami mmaunọ fiin ufọk eteufọk mfo, ñnyʌñ ñyaak ibaan ndọ eteufọk mfo usịn fiin ke ubọk. Ami mmaunọ fiin afịd Isrel ye Yuda. Ñko akpedo afịd ami amaasịp abọhọ, ami ñkpekesʌk unọọnọ fiin ñkan ado. 9 Ntak afo akesịnne uyio Abọọñ ke ndek ke adinam se idiọọk ke anyen amọọ? Afo amaatọ Yuria awo Hed ke akañkañ awot anyʌñ adat anwaan ndọ amọ nọ akappa ado ake mfo. Afo akewot anye ke akañkañ ake mbon Amọn. 10 Ndin, idahami, akañkañ idiikpọññọ ubon mfo, sia amansịn miin ke ndek anyʌñ adat anwaan ndọ Yuria, awo Hed, nte anwaan mfo.’
11 "Se Abọọñ atañ ado ami: ‘Ami ñyaanam afanekọñ ato esịd ufọk mfo usịm fiin. Ke ataa iso mfo ami ñyaakoono ibaan ndọ mfo nnọ awo a-anekkeke ukpere fiin idem, ndin anye ayaanaa ye ibaan ndọ mfo ke ata ufọọd mba uweemeayio. 12 Afo akenam ke ndịbe, ado ami ndiinam ñkpọ ami ke ufọọd mba uweemeayio ke iso afịd Isrel.’ "
13 Akema, Defid amaabo Natan ate, "Ami mmenam idiọọk ke iso Abọọñ."
Natan amaabọọrọ abo, "Abọọñ amaafeen idiọọkñkpọ mfo. Afo uduukpaaha.