3 Ammọ emaedot akebe edioomo Abasi ke ufa ukpadñkpọ enyʌñ esio anye ke ufọk Abinadab, a-akedoroke ke abod. Nditọ Abinadab, Usa ye Ahio ekekpeme ufa ukpadñkpọ
6 Ke ini ammọ emaekediwuọ itie ukọkñkpọ Nakọn, Usa amaasio ubọk akemʌm akebe edioomo Abasi, sia enañ amaafiọnnọ. 7 Iyadesịd Abọọñ amaabịppe ata Usa ato ke ntak edu unamñkpọ amọ; ndin Abasi amaamia anye anịm do ke isọñ, anye anyʌñ akpa do ke mben akebe edioomo Abasi.
9 Defid amaakop ndịk abaña Abọọñ usen ado anyʌñ abo ate, "Akebe edioomo Abọọñ adiinam die idi ukañ mmi?" 10 Anye ikinyịmmeke adiben akebe edioomo Abọọñ nọ adiba ye anye ke Abio Defid. Utu ke ado, anye amaaben akenịm ke ufọk Obed-Edom awo Kad. 11 Akebe edioomo Abọọñ akeba afiọñ ita ke ufọk Obed-Edom, awo Kad, ndin Abọọñ amaadiọñ anye mme afịd ubon amọ.