10 Ndin anye amamben miin ke Sịbidịd awuọ akaa ekamba ñkoñ-ñkoñ abod akeñwọt miin Adisana Abio, Yeruselem, akewuọhọ ke hefịn ato Abasi adi. 11 Anye amaayamma ye ntak ubọọñ Abasi, akenyʌñ asesem nte nsọñudua yuwel, nte yaspa, asana nte kristal. 12 Anye akenie ekamba anyan ndibene e-ekesioho inuaatob duob mme iba. Mme enyere duob mme iba emaenyʌñ eda ke mme inuaatob ado. Ke mme inuaatob ado emaeweet mme anyịñ esiin Isrel duob mme iba. 13 Mme inuaatob ita ekeba ke usakkautịn, ita ke adoro, ita ke usuuk, ye ita ke usobutịn. 14 Ndibene abio ado akenie itiad idakisọñ duob mme iba, ndin ke idem ammọ emaeweet anyịñ mme abọsịd Ayịn Edọñ duob mme iba.