20 Ke ayio amaakesiere, naña ammọ ekesañake ke usʌñ, ammọ emaekịt ke eto fik ado amaayeppe atọọñọ ke adʌñ. 21 Pita amaatoiyo anyʌñ abo Yisọs ate, "Andikpeeb, kase! Eto fik a-afo akesuuñọke ayeeme mfañ."
22 Yisọs amaabọọrọ, "Nie mbuọdidem ke Abasi. 23 Ke akpanikọ11:23 Usʌk mme akpa ikpañwed ewet, "Adieke afo anieghe mbuọdidem ke Abasi," Yisọs amaabọọrọ, 23 ke akpanikọ ke ami ntañ inọọ ndufo, adieke awo akeedodo abooho ekamba abod ami, ‘Dakka ke top idem mfo sịn ke akpainyañ,’ anye miinyʌññọ inie eyịghe ke esịd amọ, ado anịm ke akpanikọ ke se anye atañ ayaatịppe, eyaenam enọ ammọ. 24 Ke ntoro, ami idọkkọ ndufo, se adodo a-ndufo ebọññọ akam ebeeñe, inịm ke akpanikọ ke emebọbọ enie, ndin eyaebọ se ndufo ebeeñe ado. 25 Ñko ndufo imaida adibọñ akam, adieke enieghe utọk ye awo ndomokeed, ifeen inọ awo ado nọ Ete ndufo a-abaaha ke hefịn afeen mme idiọọkñkpọ ndufo. [
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)