1 Awo akeedodo a-amaaha ntʌnọ ama ifiọk,

ado awo akeedodo a-asuaha item ado ndisịme.

2 Nti awo ebọ mfọn eto Abọọñ,

ado anye abiom mbon se inie akikere ibak ikpe.

3 Awo ndomokeed ikemeke inie iwuuk ato ke ndoom,

ado awo ikanna ibʌkkọ adʌñ adinen awo.

4 Anwaan eti edu ado anyanya ebe amọ,

ado idiọọk anwaan esuenne atie nte ñkpọ a-akwaattakwaat akpọ amọ.

5 Mme uduak adinen awo edo nnen-nnen,

ado item awo ibak ado abiaña.

6 Ikọ awo ibak adịbe abet iyiib,

ado ikọ adinen awo afak ammọ.

7 Ebọ mbon ibak itie ndin ammọ ibaaha aba,

ado ufọk adinen awo ada ke nsi-nsi.

8 Etooro awo ekeene ndiọọñọidem amọ,

ado esọọn awo a-anieghe idiọọk esịd.

9 A-afọn awo aditre adido ñkpọ ndomokeed ado anie ayịnufọk

akan adinam nte anye a-anie se ado ndin inieghe se adia.

10 Ndinen awo ese ñkpọ ebaña ufọn mme unam ammọ,

ado mfọnñkan nti ido ndiọi awo edo ibak.

11 Mbon se inam utom ke inwañ ammọ eyaenie akpọmiọk ndidia,

ado mbon se ifeghe ikeene ndukpọñ inieghe eti iwuod.

12 Mbon ibak eyem akpọsọñ itie ndiọi awo,

ado adʌñ ndinen awo eda ke nsi-nsi.

13 Abʌd-abʌd ikọ ndiọi awo edo afia anọ ammọ,

ndin ndinen awo ebọkkọ mfịna.

14 Ato ke mfịd ñkpọkinua ammọ mbon awo eyọhọ ye nti ñkpọ,

ndin ubọkutom ammọ anọ ammọ utịb.

15 Usʌñ mbon ndisịme atie nte eti usʌñ anọ ammọ,

ado mbon aniọñ ekpañ utọñ enọ item.

16 Mbon ndisịme esọsọp ewọt iyadesịd,

ado adiọọñọidem awo iseeghe usọñanyen.

17 Ntiense akpanikọ atañ akpanikọ,

ado ntiense nsu asʌhọ nsu.

18 Mme ikọ anana iwuod awo ekịm nte mme eduad,

ado edeme mbon aniọñ anọ ukọk.

19 Ñkpọkinua akpanikọ aba ke nsi-nsi,

ado edeme abiaña aba ke etək-etək ini.

20 Abiaña asịne ke esịd mbon e-eduakka ndoom,

ado mbon e-eyemme emem enie idaara.

21 Idiọọk ndomokeed isịmme adinen awo,

ado mbon ibak enie uwak-uwak mfịna.

22 Abọọñ asua mme edeme nsu,

ado anye akop inemesịd abaña mbon akpanikọ.

23 Mme adiọọñọidem awo enịm ifiọk ammọ enọ idem ammọ

ado esịd ndisịme asuan ndisịme amọ.

24 Mme ubọk anam utom eyaekara,

ado utịd ifu adiisuuk ke ufefiik utom.

25 Ayeemensia anam esịd awo adoppo,

ado eti ikọ anọ awo inemesịd.

26 Ndinen awo etʌm emek mme ufan ammọ,

ado usʌñ mbon ibak adat ammọ awuọ akpọñ usʌñ.

27 Mbon ifu ifọppọ utotob unam,

ado ubọk anam utom adia ato mme uwak unam se atop.

28 Ke usʌñ adinenido uwem mmọdo;

ke usʌñ ado ke nsi-nsi uwem aba.