1 Ukọd ado anọọ ñnyọọ ke ini bie adooho asịn anwan

awo akeedodo a-ammọ edatta etịn usʌñ inieghe aniọñ.

2 Iyadesịd adidem asịn ndịk nte ñkuun ekpe;

mbon e-enamma esịd ayat anye eduọọk uwem ammọ.

3 Ado ke ukpono awo aditre utọk,

ado afịd awo e-edooho ndisịme esọsọp aditọhọ utọk.

4 Mbon ifu itọọhọ ñkpọ ke ini;

ndin ke ini idọk ammọ eyeem ado ikịtte ñkpọ ndomokeed.

5 Mme uduak esịd awo edo ntotəño mmọọñ,

ado awo a-anieghe ikike adʌt ammọ asịññe.

6 Uwak awo ebo ete mmimọ iminie ima ammiikpuuho,

ado anie akeme adikịt awo akpanikọ?

7 Ndinen awo edu uwem unana ndudue;

afọfọn anọ nditọ ammọ ke ammọ emaeboiyo ifep.

8 Adidem amaatie ke ebekpo amọ adikpe ikpe,

anye akama anyen amọ akeñ afịd ndiọi asio.

9 Anie awo akeme adibo, "Ami mmenịm esịd mmi asana;

ami mmesana ñnyʌññọ nnie idiọọkñkpọ"?

10 Nsio-nsio udob ye nsio-nsio udomoñkpọ,

Abọọñ asua naña ammọ iba.

11 Kpa adinam ntəkayịn ke edat ediọọñọ ntəkayịn,

ndin adinam ammọ ado adisana ye nnen-nnen?

12 Utọñ a-akoppo ye anyen a-akịtte,

ado Abọọñ anam naña ammọ iba.

13 Kuuma idab imiidooho ntoro afo ayaaforo uweene;

taba idab ndin afo ayaanie ndidia anye ayọhọ asʌhọ.

14 Andideb ate, "Ifọnnọ, ifọnnọ!"

Ndin anye adakka akekpọ inua abaña naña udeb afọn.

15 Kold mmọdo, mme rubi akpọmiọk,

ado mme ñkpọkinua e-etañña ifiọk edo mme ñkpọuto e-esọbọke.

16 Ben afọñ awo a-atieghe ubiọñ nọ asenawo;

kama anye ke ubiọñ akpedo anam anọ awo esiin.

17 Ndidia e-enieghe ke ñwo anem eti-eti,

ado ke utịd inua adiiyọhọ ye ñkwaitiad.

18 Edat item enam uduak;

ke ntoro afo akpenwana ekọñ, bọ ndadusʌñ.

19 Awo mbia ayaara ikọ esịd idịb;

ke ntoro sọọn awo ñkeñinua.

20 Adieke awo asueñe ete me eka amọ,

utuenikañ ammọ ayaanịme ke ataa ekịm.

21 Udeeme adiaakpa e-esọppọ ebọ

idiinieghe adidiọñ ke utịd.

22 Kuubo, "Ami ñyausio fiin usiene ke ndudue ami!"

Da bet Abọọñ, ndin anye ayaunwam asio usiene unọ fiin.

23 Abọọñ asua nsio-nsio udomoñkpọ,

ndin udomo abiaña inemme anye esịd.

24 Abọọñ awọt awo usʌñ.

Awo ada die ndin adiọọñọ usʌñ ammọ?

25 Ado afia awo adisọp inua ñkaaña ñkpọ

ndin akema anye aditua ñkpọfiọk abaña mme akaaña amọ.

26 Adidem a-anieghe aniọñ akekeñ mbon ibak asịññe;

anye awat ukwak ukọkñkpọ ke edem ammọ.

27 Sịbidịd awo* ado utuenikañ Abọọñ

a-atuenneke unwana asịn ke ataa ntotəño awọñesịd awo.

28 Ima ye akpanikọ enịm adidem ke ifuuro;

ato ke ima ebekpo amọ asọọñọ ada.

29 Uku ñkparawa ado adudu ammọ,

iwad ado ubọọñ mbon usọñ.

30 Eta ye unan e-etʌk idiọọkñkpọ esio,

ndin ntiim ayet ataa awọñesịd awo.