1 Awo ibak afeghe itọk ke ini awo imiibịneke anye,

ado adinen awo akop uko nte ekpe.

2 Idịd amaaba ke ntịme, anye anie uwak mme andikara,

ado adaukara a-anieghe ikike ye ifiọk anekke anye anịm.

3 Adaukara a-akuudo mbon uweene

atie nte ananautịd edịm a-adooho ifeene ñkpọinwañ.

4 Mbon e-ewọññọke ekpọñ item etooro mbon ibak,

ado mbon se ikop item esọọn ammọ.

5 Mme anam idiọọk idiọọñọke se inen,

ado anwaña mbon se iyem Abọọñ ayọhọ-ayọhọ.

6 Afọn adido uweene nnana ndo

akan adido imọ ndo abʌd-abʌd awo.

7 Adiọọñọidem ayịn akop item,

ado ansidʌk ndʌk ye mme adiauyʌkkọ asuenne ete amọ.

8 Awo akeedodo a-akọọhọ inie ato adibọ udod nto uweene,

akọọk inie ado anịm anọ awo mfen, a-adiifọn ido ye mbon uweene.

9 Awo akeedodo i-imiikpañña utọñ inọ item mmi,

idem ataa akam ammọ edo mbubiam.

10 Awo akeedodo a-adatta adinen awo adʌk idiọọk usʌñ

ayaaduọ adʌk afia ammọ,

ado awo a-ananake ndo ayaabọ eti udeeme.

11 Imọ awo akeme ido aniọñ ke anyen amọ;

awo a-adooho uweene anyʌñ anie ikike adiọọñọ ke anye abiaña idem ammọ.

12 Adinen awo amaanie edikan, idaara akpon;

ado awo ibak amaadọọk ada ke ukara, mme awo edʌk edịbe.

13 Awo akeedodo a-adịppe idiọọkñkpọ amọ iforoke,

ado awo a-ayaarake idiọọkñkpọ anyʌñ adiañña idem akpọñ ammọ ayaakịt mfọn.

14 Afọfọn anọ awo a-abaaha Abọọñ,

ado awo akeedodo a-asọññọ esịd adʌk mfịna.

15 Ibak adaukara a-akarake mbon i-imiinieghe unwam

aba nte ekpe a-akuunọ me amọnikọd a-abịneke awo.

16 Adaukara ananake aniọñ akara ke ufiik,

ado anye a-asuaha idiọọk udod ayaakop inem ukara akpeene.

17 Awo ndomokeed ake esịd amọ amiaha anye ufen ke ntak uwodawo

adiiyem udịbe ke udi ñkpa;

ke awo ndomokeed amʌm anye.

18 Awo u-usʌñ amọ ananake ndo a-anie ubọkkọ,

ado anye u-usʌñ amọ adooho abʌd-abʌd ayaaduọ adʌk ube.

19 Mbon e-enamma utom ke inwañ ammọ eyaenie akpọmiọk ndidia,

ado mbon e-ebịneke ndab eyaekịt unana.

20 Awo akpanikọ ayaabọ adidiọñ,

ado awo a-ayemme inie usọp-usọp idiitreke ibọ ufen.

21 Adiwọt adusad ifọnnọ,

kpayeado awo ayaanam idiọọkñkpọ ke ntak mbeñe uyo.

22 Mbon efaam eyem imọinyọ usọp-usọp

idiọọñọke ke nsobo asʌk abet ammọ.

23 Awo akeedodo a-asuaha anọ awo ayaakịt mfọn ke utịd

akan awo a-akamake edeme amọ atiik awo.

24 Awo akeedodo a-ayịppe ñkpọ ete me ake eka amọ

ndin abo, "Idooho idiọọkñkpọ,"

ado nsaña ye awo nsobo.

25 Mbon idiọọkitọñ etọọñọ utọk,

ado mbon se idot anyen ke Abọọñ eyaeforo.

26 Mbon e-enieghe mbuọdidem ke idem ammọ edo ndisịme,

ado mbon e-esañake ke aniọñ etie ke ifuuro.

27 Mbon e-enọọhọ uweene enọ idiinanake ñkpọ ndomokeed,

ado mbon e-ebọọbọ anyen enam nte ikịtte ammọ ediibọ uwak isuuñọ.

28 Mbon ibak emaedọọk eda ke ukara, mbon awo edʌk edịbe;

ado mbon ibak emaekịt nsobo, ndinen awo eforo.