1 Ke ntre ami mma mbiere nnọ idem mi, nte ke nditọñọke ntak aba nnam mbufo efuhọ ke ini ndidide ndise mbufo. 2 Koro edieke nnamde mbufo efuhọ, anie ndien edinam mi ñkop inemesit? Edi mbufo enyene ndinam, ndien mbufo ekeme didie edieke ami nnamde mbufo se ibiakde mbufo? 3 Oro edi ntak emi ñkewetde ñwed oro nnọ mbufo. Ami ñkoyomke ndidi mbine mbufo ndibọ idiọkesit ke ubọk mme mmọ emi ekpenamde mi ñkop inemesit. Koro ami mọyuhọ nte ke ini ami ñkopde inemesit, kpukpru mbufo nde emekop inemesit.

4 Koro ñketie ke akwa ukut ye mfuhọ ke esit ye ediwak mmọñeyet; ñwet ñwed oro nnọ esọk mbufo man efiọk ima emi ami mmade kpukpru mbufo nte okponde.

5 Edi owo ekededi emi anamde mfuhọ odu, enye itimke inam mi mfuhọ, nte enye akam anamde kpukpru mbufo efuhọ. Ami ñyomke ndida enye ndodobi ndodobi. 6 Ufen emi ediwak mbufo enọde utọ owo emi ekem ye enye. 7 Idahaemi edi ini ndidahado nnọ enye, ñnyuñ ndọñ enye esit. Midighe ntre enye ekeme ndikabade mfuhọ ata eti eti, ndien ọnọ enye idiọkesit ke usuñ emi enye midikemeke ndifiak ndu uwem emi ọfọnde aba. 8 Mbọk ewut enye idahaemi ete ke mbufo ke esuk emama enye eti eti.

9 Ntak emi ami ñkewetde ñwed oro edi man ami ñyarade mfiọk nte mbufo esọñọde eda ke idomo, ndien mme eyenyuñ esuk ibuot enọ mme item mi. 10 Ke ini mbufo edaharedo enọ owo kiet ekededi, ami medahado nnọ enye ñko. Ndien se ami mma ñkefen nnọ — edieke ñkpọ odude ami ndifen nnọ — ami ñkefen ke iso Kraist ke ntak mbufo, 11 man otodo Setan edikan ñnyin ubọk; koro ñnyin imọdiọñọ se mme uduak esie edide.

12 Ke ini ami mma ñkasaña ñkesim obio Troas ndikwọrọ eti mbuk emi abañade Kraist, ami mma ñkut nte ke Abasi ama eberede usuñ ọnọ utom Esie do. 13 Ami ñkenyeneke ifure ke esit mi, sia mmeñkekwe Taitọs eyen ete ñnyin; anam mma ñkọm mmọ unyọñ, ndien ndaha ñka Masidonia.

14 Edi yak ekọm enyene Abasi, emi adade ñnyin asaña ubọñ ubọñ ke Kraist kpukpru ini, onyuñ adade ñnyin anam ifiọk Esie asuana ke kpukpru ebiet nte ufuọñ enem ufik ñkpọ. 15 Koro ñnyin itie nte enem utebe ufuọñ ñkpọ, emi Kraist awade ọnọ Abasi emi asuanade ke otu mme mmọ emi enyañade ye mme mmọ emi etakde. 16 Ke otu mme mmọ emi etakde, enye edi ata idiọk utebe emi owotde wot; edi ke otu mme mmọ emi ema ekenyaña edi enem ufuọñ ñkpọ emi ọnọde uwem. Anie ndien ekeme ndinam utọ utom oro? 17 Ñnyin itiehe nte mme mmọ eken, emi ekwọrọde ikọ Abasi ke ntak udori, edi ñnyin itiñ ikọ Kraist ke iso Abasi, nte mme anam akpanikọ, ye nte mmọ emi Abasi ọdọñde.