1 Emi edi ọyọhọ ikata emi ami ndidide ndise mbufo. "Edisọñọ kpukpru edori ikọ ke ikọ ntiense owo iba mme akande oro," nte Ñwed Abasi etiñde. 2 Ami ñyom ndiduri mme mmọ emi ekenamde idiọkñkpọ ke mme ini emi ekebede, ye mme mmọ eken utọñ ke ini emi ñkedide ndise mbufo ọyọhọ ikaba, ndien ami ñyetọñọ ntak ntiñ idahaemi ami mme nduhọ do: ke ami mma ntọñọ ntak ndi owo baba kiet idibọhọke ufen.

3 Sia mbufo eyomde mi nnam ñwut mbufo nte ke Kraist ebe ke idem mi etiñ ikọ. Enye imemke ke edinam Esie ke otu mbufo, edi Enye edi enyene odudu ke otu mbufo. 4 Koro ke akpanikọ ekekọñ Enye ke etoñkpa ke mmemidem, edi Enye odu uwem oto ke odudu Abasi. Ñnyin ñko ke edidiana kiet ye Enye idi mme mmeme; edi ke odudu Abasi ñnyin iyedu uwem ke Enye inam ñkpọ inọ mbufo.

5 Eduñode idem mbufo ese mme mbufo ke ededu ke mbuọtidem, etim edomo idem mbufo. Nte mbufo ifiọkke ite, ke Kraist Jisọs oduñ ke esit mbufo? Ibọhọke mbufo ibehe udomo. 6 Mmenyene idorenyin nte ke mbufo emekeme ndinyime ete ke ami mma ñkut idomo oro, ndien ke emi ke akpanikọ ami ñke kpuho, ndi eke Ọbọñ.

7 Ndien ñnyin imebeñe Abasi ite mbufo ekudue ke ndomo baba ñkpọ kiet, idighe man mme owo ekut ete ke ñnyin imanam ọfọn, edi man mbufo enam se inende, okposuk edi nte etiede nte ñnyin imokpu. 8 Koro ñnyin mikemeke ndinam ndomo baba ñkpọ kiet ndibiọñọ akpanikọ, edi ñnyin ida ye akpanikọ ikpọñ. 9 Ñnyin imadat esit kini idem ememde ñnyin, edi mbufo ke ekop nsọñidem. Ndien ñnyin ibọñ akam ite mbufo ekpekam efọn ema.

10 Emi edi ntak emi anamde mi ñwet mme ñkpọ emi kini ami menduhọ ye mbufo; emi edi ntre, man ami ndisọñ ido ye mbufo kini ami ndidide, ke edida unen emi Abasi ọnọde mi nsin ke edinam, unen ndibọbọp mbufo idighe ndisuan mbufo;

11 Ke akpatre ikọ, etie suñ nditọ ete! Eñwana ndifọn mma, ekop uyo mi, enyene esit kiet, etie ke emem. Ndien Abasi ima ye emem eyedu ye mbufo.

12 Ekọm kiet eken ke edisana usuñ. 13 Kpukpru Ikọt Abasi enọ ekọm esọk mbufo. 14 Yak mfọn Ọbọñ ñnyin Jisọs Kraist, ye Ima Abasi, ye ebuana Edisana Spirit odu ye mbufo kpukpru.