11 Jisọs ama aka iso ọdọhọ ete, "Owo kiet ama odu emi ekenyenede nditọ iren iba: 12 Udọ esie ama ọdọhọ enye ete, ‘Ete, nọ mi udeme mi ke otu mme inyene fo.’ Ntre, enye ama abahade inyene esie ọnọ mmọ mbiba."
13 "Ke ñkpọ nte ibat usen ifañ ama ekebe, Udọ ama atañ kpukpru inyene esie ọtọñọ isañ aka anyan idut; do enye ama abiat ofuri inyene esie ke oburobut uwem.
20 "Do enye ama adaha ke enyọñ onyuñ ebine ete esie. Edi ke ini ete esie adade okut enye ko nsan nsan mbọm ama ọyọhọ enye ke esit abaña eyen emi. Enye ama efehe ebine eyen esie, awaña enye akama onyuñ otim enye inua."
22 "Edi ete esie ama ọdọhọ mme nditọ ufọk esie ete, ‘Esọp! Eda ediye ọfọñidem edisine enye. Enyuñ eda ñkpanuen esine enye ke nuenubọk esie, ye ikpaukot ke ukot esie. 24 Koro eyen mi emi akakpade, enye afiak odu uwem; enye ama osop, edi mmokut enye.’ Ntre ke mmọ eketọñọ ndidia usọrọ."