16 Ndien Jisọs ama aka ke Nasaret, ebiet emi enye ọkọkọride, ndien ke usen Sabat Enye ama aka ke atayat ukpepñkpọ nte ido Esie esidide. Ndien enye adahada ọtọñọ ndikot ñwed. 17 Ema emen ebok ñwed Asiak Uduak Abasi Aisaya eyak enọ Enye, ke Enye ama akatat, Enye ama okut ebiet emi ewetde, ete,
18 "Spirit Ọbọñ odoro Mi ke idem,
ntem Enye emek Mi
ndikwọrọ Eti Mbuk nnọ mme ubuene.
Enye ọdọñ Mi ñkekwọrọ Uwọrọ ufin nnọ mbon ñkpọkọbi,
ye editọñọ ntak ñkut usuñ nnọ mme nnan,
ñnyuñ ñkefighede mmọ emi efikde ñyak,
19 ñnyuñ ñkwọrọ isua mfọnido Abasi."
20 Do ke Enye ekefut ñwed oro, onyuñ ayak ọnọ asañautom ndien Enye ọsuhọde etetie, kpukpru owo ke Sinakọk ema ewuk enyin ese Enye. 21 Ndien enye ọdọhọ mmọ, ete, "Mfin emi, itie ñwed emi osu nte mbufo ekopde ekotde."