11 हे बिधाता, तेरअ बल आसा महान अर तेरअ झ़ामण शुझिआ सारै भ्रमंडै। माहा राज़अ आसा तूह ई अर सोभी प्रैंदै आसा तेरअ ई राज़। 12 तूह करा आपणैं बल अर ज़ोरा करै राज़। मणछा सेठ, बलबान अर मशूर करा तूह ई।
14 "अज़ी बी निं मंऐं अर मेरी परज़ा ताल्है असली दी किछ़ बी दैनअ किल्हैकि ईंयां सोभ गल्ला आसा हाम्हां लै तंऐं ई दैनी दी। हाम्हैं दैनअ ताल्है सह ज़ुंण तेरअ ई थिअ। 15 बिधाता, ताखा आसा थोघ हाम्हैं आसा ऐहा पृथूई दी थोल़ै धैल़े प्राहुंणैं अर परदेसी, ज़िहै म्हारै दाद-बाब थिऐ। म्हारी अमर आसा छ़ैल्ली ज़ेही ज़ुंण हेरा-हेरी उडा।