12 तेखअ हुअ बादा का इहअ कि बिधाता किई सुलैमाना संघै भिई सुपनै गल्ला। बिधाता बोलअ तेऊ लै इहअ, "मंऐं शूणीं तेरी अरज़ अर इहअ बी कि तूह किज़ै च़ाहा कि हुंह करूं। ज़ुंण तंऐं मुल्है अह भबन बणाअं, अह ज़ैगा किई मंऐं सदा लै ज़िधी सोभ मुल्है हूम करे। 13 ज़ै सरग नांईं होए अर साल-फसला खांदै हुंह रैट्टै छ़ाडूं, ज़ै हुंह आपणीं परज़ा मांझ़ै माहा मरी पाऊं, 14 तेखअ ज़ै तिंयां मुंह सेटा अरज़ करे अर ज़ै तिंयां दिला का पाप करनअ छ़ाडे, तै हेरनी मुंह स्वर्गा का तिन्नें अरज़ शूणीं अर तिन्नें पाप माफ करी करनी मुंह तिन्नें ज़िम्मीं-ज़ैगा भिई रज़दी-पज़दी।
15 "एऊ भबनै रहणीं मेरी नदर सदा अर ज़ुंण इधी अरज़ करे, सह हेरनी मुंह शूणीं।