4-6 "तम्हां जैंदरी निं कोहै लोल़ी गरीब रहअ। थारै परमेशर बिधाता आसा तम्हां लै अह ज़ैगा लाई दी दैई अर तेऊ आसा एही ज़बान दैनी दी कि तेऊ बणाणैं तम्हैं हर गल्‍ला लै सेठ, इहअ हणअ तै, ज़ै तम्हैं बिधाते इना बधाना अर बिधी मने, ज़ेता खोज़दअ हुंह तम्हां का आझ़ आसा लागअ द। तम्हां दैणअ कई देशे लोगा लै ऋण, पर तम्हां निं आप्पू ऋण काढणें ज़रुरत पल़णीं। तम्हां करनअ कई देशा प्रैंदै राज़, पर तम्हां प्रैंदै निं तिंयां राज़ करी सकदै।