बधान 4

9 "तम्हैं डाहै ऐहा गल्‍लो धैन हेरे, तम्हैं निं सारी अमरा तिन्‍नां गल्‍ला बिस्सरुई ज़ुंण तम्हैं आपणीं आछी भाल़ी कि बिधाता तम्हां लै किज़ै किअ। आप्पू बी डाहै तम्हैं इना गल्‍ला आद अर आजू आपणैं शोहरू-माठै अर पोचै का बी डाहै इना खोज़ी। 10 खासकर डाहै तैहा गल्‍ला आद ज़धू तम्हैं होरेब धारा गोधै बिधाता सम्हनै थिऐ खल़ै, तधू बोलअ त बिधाता मुल्है इहअ, ‘मोसा, सोभी इज़राईलीओ कर इधी मुंह सेटा झाल़अ। मंऐं लाई तिन्‍नां का गल्‍ला खोज़ी ताकि तिंयां सारी अमरा ज़िहअ हुंह बोला तिहअ ई करे अर तिंयां आपणैं शोहरू-माठै लै बी एही ई शिक्षा दैए।’