राख्सै किअ आयूब पठी बरैबाद
1 ऊज़ नाओंए देशै रहा त एक मणछ, तेऊ नाअं त आयूब। सह थिअ खास्सअ धर्मीं मणछ अर सह रहा त बिधाते डरा हेठै, तेऊ निं कधि किछ़ै पाप किअ।
8 बिधाता लागअ राख्सा का पुछ़दअ, "तंऐं मेरअ दास आयूब बी भाल़अ? तेऊ सान शुचअ-पाक्कअ अर भलअ मणछ निं पृथूई दी कोहै आथी! सह करा मेरअ सोभी का खास्सअ अदर अर बूरअ करनअ निं तेऊ कधू सोठअ बी आथी।"
21 आयूब लागअ लेरा लांदी इहअ बोल्दअ,
"हुंह आसा आपणीं माए रित्तै हाथै ओदरा का नांगअ आअ द,
मरी करै बी निं मुंह आप्पू संघै किछ़ै निंणअ।
बिधाता ई आसा मुल्है दैणैं आल़अ अर
तेऊ ई निंईं तिंयां सोभै गल्ला बापस।
तेऊए लोल़ी सदा ज़ै-ज़ैकार हुई!"