Isaías 66

நியாயத்தீர்ப்பும் நம்பிக்கையும்

1 யெகோவா சொல்வது இதுவே:

"வானம் எனது அரியணை,

பூமி எனது பாதபீடம்.

நீங்கள் எனக்காகக் கட்டும் ஆலயம் எங்கே?

நான் இளைப்பாறும் இடம் எங்கே?

2 இவைகளையெல்லாம் என் கரம் படைத்ததினால்,

இவைகளெல்லாம் உருவாயின"

என்று யெகோவா அறிவிக்கிறார்.

"ஒருவன் தாழ்மையும் நொறுங்கிய உள்ளமும் கொண்டவராய்,

என் வார்த்தைகளுக்கு நடுங்குகிறவரையே

நான் கண்ணோக்கிப் பார்ப்பேன்.