1 in achtsentn yor fun dem melech Yarovam iz Aviyah gevorn melech iber Yehudah. 2 drai yor hot er gekinigt in Yerushalayim. un der nomen fun zain muter iz geven Michayah di tochter fun Urieln fun Givah. un a milchome iz geven tsvishn Aviyahn un tsvishn Yorovamen. 3 un Aviyah hot ongeknipt di milchome mit a cheil fun milchome-giborim, fir hundert toiznt geklibene mener; un Yarovam hot ongericht oif im di milchome mit acht hundert toiznt geklibene mener, heldishe giborim.

4 un Aviyah hot zich geshtelt oif dem barg Tsemarayim vos in di berg fun Efrayim, un er hot gezogt: hert mich tsu, Yarovam un gants Yisroel. 5 ir darft doch visen az Hashem Elokei Yisroel hot gegebn di meluche iber Yisroel tsu Dovidn oif eibik, tsu im un tsu zaine kinder, in a bris fun zalts. 6 un Yarovam der zun fun Nevaten, der knecht fun Shlomo dem zun fun Dovidn, iz oifgeshtanen un hot vidershpenikt on zain har. 7 un es hobn zich oifgeklibn arum im nishtike lait, nidertrechtike yungen, un zei hobn zich gefestikt akegn Rechavam dem zun fun Shlomoen, un Rechavam iz geven yung un veichhartsik, un hot zich nisht gekent shtarkn akegn zei. 8 un atsund vilt ir zich shtarkn akegn der meluche fun Hashem in der hant fun di kinder fun Dovid; un ir zait a groiser Haman, un mit aich zainen di gilderne kelber vos Yarovam hot aich gemacht far g‑ter. 9 far vor, ir hot farshtoisen di koyanim fun Hashem, di kinder fun Aharon, un di Leviim, un ir hot aich gemacht koyanim azoi vi di felker fun andere lender; itlecher vos kumt derfiln zain hant, mit a yungn oks, un mit zibn viders, er vert a koyen tsu di umgeter. 10 ober mir – Elokeinu iz Hashem, un mir hobn im nisht farlozen, un koyanim vos dinen far Hashem, zainen kinder fun Aharon, un di Leviim zainen oif dem dinst; 11 un zei demfn tsu Hashem brandopfer frimorgn in frimorgn, un ovnt in ovnt, un vairech fun shmekedike gevirtsn, un di oisleigung fun dem broit oif dem reinem tish, un di gilderne menoyre mit ire rerlech oif tsu brenen ovnt in ovnt. vorem mir hitn di hitung fun Hashem Elokeinu, un ir hot im farlozen. 12 un ot iz farois mit undz HaElokim, un zaine koyanim mit shaltrumeitn tsu shaln oif aich. kinder fun Yisroel, ir zolt nisht milchome haltn mit Hashem dem G-t fun undzere eltern, vorem ir vet nisht baglikn.

13 ober Yarovam hot oisgedreit di loierer tsu kumen oif zei fun hintn, azoi az zei zainen geven far Yehudah, un di loierer hinter zei. 14 un Yehudah hot zich umgekukt, ersht di milchome iz oif zei fun forent un fun hintn; un zei hobn geshrien tsu Hashem, un di koyanim hobn getrumeitert in trumeitn. 15 un di mener fun Yehudah hobn aroisgelozt a shalung, un es iz geven, vi di mener fun Yehudah hobn aroisgelozt a shalung, hot HaElokim geshlogn Yorovamen un gants Yisroel far Aviyahn un Yehudah. 16 un di kinder fun Yisroel zainen antlofn far Yehudah, un Elokim hot zei gegebn in zeyer hant. 17 un Aviyah un zain folk hobn zei geshlogn a groisn shlak, un es zainen gefaln dershlogene fun Yisroel finf hundert toiznt geklibene mener. 18 un di kinder fun Yisroel zainen untertenik gevorn in yener tsait, un di kinder fun Yehudah zainen gevorn shtark, vail zei hobn zich ongelent oif Hashem dem G-t fun zeyere eltern.

19 un Aviyah hot nochgeyogt Yorovamen, un er hot batsvungen fun im shtet: Beis-El mit ire techtershtet, un Yeshanah mit ire techtershtet, un Efrayim mit ire techtershtet. 20 un Yarovam iz mer nisht gekumen tsu di koiches in di teg fun Aviyahn; un Hashem hot im geplogt, un er iz geshtorbn.

21 un Aviyah hot zich bafestikt. un er hot zich genumen fertsn vaiber, un hot geborn tsvei un tsvantsik zin, un zechtsn techter.

22 un di iberike zachn vegen Aviyahn, un zaine firungen, un zaine reid, zainen farshribn in dem medrash fun Ido dem novi.

23 un Aviyah hot zich geleigt mit zaine eltern, un me hot im bagrobn in Dovids-shtot. un zain zun Asa iz gevorn melech oif zain ort. in zaine teg iz dos land geven ruik tsen yor.