1 noch di dozike gesheenishn un traishaft, iz gekumen Sancheriv der melech fun Ashur, un er iz arain in Yehudah, un hot gelegert oif di bafestikte shtet, un er hot zei gevolt ainbrechn far zich. 2 un vi Yechizkiyahu hot gezen az Sancheriv iz gekumen, un zain ponem iz oif milchome akegn Yerushalayim. 3 hot er an eitse gehaltn mit zaine harn un zaine giborim vegen farshtopen di vasern fun di kvaln vos oisn shtot; un zei hobn im geholfn. 4 un es hobn zich aingezamlt fil folk, un zei hobn farshtopt ale kvaln, un dem taich vos flist durchn mitn land, azoi tsu zogn: nachsol zoln di mlochim fun Ashur kumen un gefinen a sach vaser? 5 un er hot zich geshtarkt, un hot farboit di gantse aingebrochene moier, un zi aroifgebracht biz di turems, un noch an ander moier deroisn; un er hot bafestikt melu in Dovids-shtot, un er hot gemacht vafn lerov un shildn. 6 un er hot gemacht hoiptlait fun milchome ibern folk, un hot zei aingezamlt tsu zich oifn breitn plats baim shtot-toier, un er hot geredt tsu zeyer hartsn, azoi tsu zogn: 7 zait shtark un fest; ir zolt nisht moire hobn un nisht angstn far dem melech fun Ashur, un far dem gantsn hamon vos mit im, vorem mit undz iz a greserer vi mit im. 8 mit im iz an orem fun fleish, un mit undz iz Hashem Elokeinu, undz tsu helfn fun tsu firn undzere milchomes. un dos folk hot zich farlozt oif di verter fun Yechizkiyahu dem melech fun Yehudah.

9 nochdem hot Sancheriv der melech fun Ashur geshikt zaine knecht kein Yerushalayim – un er iz geven bai Lachish, un zain gantse memshole mit im – tsu Yechizkiyahu dem melech fun Yehudah, un tsu gants Yehudah vos in Yerushalayim, azoi tsu zogn: 10 azoi hot gezogt Sancheriv der melech fun Ashur: oif vos farzichert ir aich, un zitst in balegerung in Yerushalayim? 11 far vor, Yechizkiyahu redt aich ain, kedei aich tsu lozn shtarbn fun hunger un fun dorsht; azoi tsu zogn: Hashem Elokeinu vet undz matsl zain fun der hant fun dem melech fun Ashur. 12 iz dos nisht der Yechizkiyahu vos hot opgeton zaine bamot un zaine mizbeyches un hot gezogt tsu Yehudah un tsu Yerushalayim, azoi tsu zogn: far ein mizbeyech zolt ir zich bukn, un oif im zolt ir reichern? 13 veist ir den nisht vos ich un maine eltern hobn geton tsu ale umes fun di lender? hobn den di g‑ter fun di felker fun andere lender gekent matsl zain zeyer land ois maine hant? 14 ver iz tsvishn ale g‑ter fun di dozike felker vos maine eltern hobn farvist, vos hot gekent matsl zain zain folk fun main hant, az Elokeichem zol aich kenen matsl zain fun main hant? 15 un atsund, zol aich Yechizkiyahu nisht narn, un zol er aich nisht ainredn azoi-vos, un ir zolt im nisht gloibn, vorem kein Elokim fun kein folk oder kinigraich hot nisht gekent matsl zain zain folk fun main hant, un fun der hant fun maine eltern, vet Elokeichem aich gevis nisht matsl zain fun main hant.

16 un zaine knecht hobn noch mer geredt oif Hashem HaElokim, un oif Yechizkiyahu zain knecht. 17 un a briv hot er geshribn tsu lestern Hashem Elokei Yisroel, un tsu redn kegen im, azoi tsu zogn: azoi vi di g‑ter fun di umes fun di lender, vos hobn nisht matsl geven zeyer folk fun main hant, azoi vet Elokei Yechizkiyahu nisht matsl zain zain folk fun main hant. 18 un zei hobn oisgerufn oif a hoichn kol, oif Yehudish, tsu dem folk fun Yerushalayim vos oif der moier, zei ibertsushrekn un zei tsu tsetumlen, kedei zei zoln kenen batsvingen di shtot. 19 un zei hobn geredt vegen dem Elokim fun Yerushalayim azoi vi vegen di g‑ter fun di felker fun der erd, gemacht fun mentshns hent.

20 hot der melech Yechizkiyahu, un Yeshayahu hanovi der zun fun Amotsn, mispalel geven vegen dem, un zei hobn geshrien tsum himel. 21 un Hashem hot geshikt a malach, un er hot fartilikt yetveder heldishn gibor un onfirer un hoiptman in lager fun dem melech fun Ashur; un er hot zich umgekert mit shand in ponem tsu zain land. un vi er iz araingegangen in hoiz fun zain G-t, hobn di vos zainen arois fun zaine ingeveid, im dortn gemacht faln mitn shverd.

22 azoi hot Hashem geholfn Yechizkiyahu un di bavoiner fun Yerushalayim fun der hant fun Sancheriv dem melech fun Ashur, un fun der hant fun alemen; un er iz zei baigeshtanen rund arum. 23 un fil hobn gebracht geshonken tsu Hashem kein Yerushalayim, un taiere matonus tsu Yechizkiyahu dem melech fun Yehudah, un er iz derheicht gevorn in di oign fun ale felker noch dem.

24 in yene teg iz Yechizkiyahu krank gevorn biz tsum shtarbn, un er hot mispalel geven tsu Hashem, un Hashem hot im geentfert, un hot im gegebn a tseichn. 25 ober Yechizkiyahu hot nisht umgekert azoi vi im iz geton gevorn, vorem zain harts hot zich derhoibn, un es iz geven a tsorn oif im un oif Yehudah un Yerushalayim. 26 hot Yechizkiyahu zich untertenikt fun der hoferdikeit fun zain hartsn, er un di bavoiner fun Yerushalayim, un der tsorn fun Hashem iz nisht gekumen oif zei in di teg fun Yechizkiyahu.

27 un Yechizkiyahu hot gehat oysher un koved zeyer fil, un hot zich gemacht shatskamern far zilber un far gold, un far taiere shteiner, un far b'somaim, un far shildn, un far alerlei glustike zachn; 28 un shpaichlers far dem ainkum fun tvue, un vain, un eil; un shtaln far alerlei beheimes, un stades in geheftn. 29 un er hot zich aingeshaft shtet, un fich fun shof un rinder lerov; vorem Elokim hot im geshonken zeyer a grois farmeg. 30 un der eigener Yechizkiyahu hot farshtopt dem oibershtn oisgang fun di vasern fun Gichon, un hot zei gemacht gein glaich arop tsu mayrev fun Dovids-shtot. un Yechizkiyahu hot baglikt in zain yetveder tuung. 31 ober bai di shluchim fun di harn fun Bavel vos hobn geshikt tsu im nochtsufregn vegen dem vundertseichn vos iz geshen in land, hot im HaElokim farlozen, im tsu pruvn, kedei tsu visen alts vos bai im in hartsn.

32 un di iberike zachn vegen Yechizkiyahu, un zaine chasadim, zei zainen bashribn in der zeung fun Yeshayahu hanovi dem zun fun Amotsn in buch fun di mlochim fun Yehudah un Yisroel. 33 un Yechizkiyahu hot zich geleigt mit zaine eltern, un me hot im bagrobn oif dem aroifgang fun di kvorim fun di kinder fun Dovid; un gants Yehudah un di bavoiner fun Yerushalayim hobn im ongeton koved bai zain toit. un zain zun Menasheh iz gevorn melech oif zain ort.