1 un dos gantse folk fun Yehudah hot genumen Uziyahun, vos iz geven zechtsn yor alt, un zei hobn im gemacht far a melech oif dem ort fun zain foter Amatsyahun.

2 er hot arumgeboit Eilot un hot zi umgekert tsu Yehudah, noch dem vi der melech hot geleigt mit zaine eltern.

3 zechtsn yor iz Uziyahu alt geven, az er iz gevorn melech, un tsvei un fuftsik yor hot er gekinigt in Yerushalayim. un der nomen fun zain muter iz geven Yecholyah fun Yerushalayim.

4 un er hot geton vos iz rechtfartik in di oign fun Hashem, azoi vi alts vos zain foter Amatsyahu hot geton. 5 un er hot zich opgeleigt oif zuchn Elokim in di teg fun Zecharyahuen, vos iz geven farshtandik in der zeung fun Hashem; un in di teg vos er hot gezucht Hashem hot mit im HaElokim baglikt.

6 un er iz aroisgegangen un hot milchome gehaltn mit di Pelishtim, un hot aingebrochn di moier fun Gat, un di moier fun Yavneh, un di moier fun Ashdod, un geboit shtet arum Ashdod, un tsvishn di Pelishtim. 7 un HaElokim hot im geholfn akegn di Pelishtim, un akegn di araber, vos zainen gezesn in Gur-Baal, un di MUnim. 8 un di Amonim hobn gegebn matonus tsu Uziyahu; un zain shem iz gegangen biz me kumt kein Mitsrayim, vorem er iz geven shtark biz gor. 9 un Uziyahu hot geboit turems in Yerushalayim baim vinkltoier, un baim toier fun tal, un baim ek, un er hot zei bafestikt. 10 un er hot geboit turems in der midber, un hot oisgehakt fil brunemer, vorem er hot gehat fil fich i in der niderung, i in dem flachland; akerlait un gertenirer oif di berg, un in Karmel, vorem er iz geven a libhober fun erd.

11 un Uziyahu hot gehat a cheil fun krigslait vos zainen aroisgegangen oif milchome in machnus, loit dem misper fun zeyer tseilung durch der hant fun Yeyel dem shraiber, un Maaseiyah dem oifzeer, unter der hant fun Chananyahuen, einem fun di harn fun melech. 12 di gantse tsol fun di hoiptn fun foterhaizer, di heldishe giborim, iz geven tsvei toiznt un zeks hundert. 13 un unter zeyer hant iz geven a krigs-cheil fun drai hundert toiznt un zibn toiznt fun finf hundert vos hobn gehaltn milchome mit shtarkn koiech, tsu helfn dem melech akegn dem faint. 14 un Uziyahu hot tsugegreit far zei, far dem gantsn cheil, shildn, un shpizn, un kivers, un pansters, un boigns, un shlaider-shteiner. 15 un er hot gemacht in Yerushalayim kuntsike geshteln, oisgetracht fun a mainster, tsu zain oif di turems un oif di shpitsn, oif tsu shisn mit failn un mit groise shteiner; un zain shem iz aroisgegangen biz in merchakim, vorem er iz vunderlech geholfn gevorn, biz er iz gevorn shtark.

16 ober vi er iz shtark gevorn, hot zain harts zich derhoibn biz tsum fardorben vern, un er hot gefelsht on Hashem zain G-t, un er iz araingegangen in heichl fun Hashem tsu reichern oif dem mizbeyech far vairech. 17 iz araingegangen noch im Azaryahu der koyen, un mit im achtsik koyanim fun Hashem, heldishe yungen, 18 un zei hobn zich geshtelt far dem melech Uziyahu, un zei hobn tsu im gezogt: nisht far dir, Uziyahu, iz reichern tsu Hashem, nor far di koyanim, di kinder fun Aharon, vos zainen geheilikt oif tsu reichern. gei arois fun mikdash, vorem du host gefelsht, un dos vet dir nisht zain tsum koved bai Hashem Elokim. 19 hot Uziyahu getsernt; un in zain hant iz geven a reicherfan oif tsu reichern; un vi er hot getsernt oif di koyanim, azoi hot a tsoraas oisgebrachn oif zain shtern, far di koyanim in Hashems hoiz, lebn dem mizbeyech far vairech. 20 un Azaryahu der koyen-gadol un ale koyanim hobn zich umgekukt, ersht er iz metsoire oif zain shtern; hobn zei im oif gich avekgenumen fun dortn, un oich er hot zich geailt aroistsugein, vail Hashem hot im geplogt.

21 un der melech Uziyahu iz geven metsoire biz dem tog fun zain toit; un er iz gezesn in an opgezundertn hoiz, a metsoire; vorem er iz opgeshnitn gevorn fun Hashems hoiz. un zain zun Yotam iz geven iber dem melechs hoiz; er hot gemishpt dos folk fun land.

22 un di iberike zachn vegen Uziyahun, di ershte azoi vi di letste, hot bashribn Yeshayahu hanovi der zun fun Amotsn.

23 un Uziyahu hot zich geleigt mit zaine eltern, un me hot im bagrobn bai zaine eltern in dem keyver-feld fun di mlochim, vorem zei hobn gezogt: er iz a metsoire. un zain zun Yotam iz gevorn melech oif zain ort.