1 un di gantse arbet vos Shlomo hot gemacht far Hashems hoiz iz geendikt gevorn. un Shlomo hot gebracht di geheilikte zachn fun zain foter Dovidn, un hot dos zilber, un dos gold, un ale keilim araingegebn in di shatskamern fun hoiz fun Elokim.

2 dentsmol hot Shlomo aingezamlt di eltste fun Yisroel, un ale hoiptn fun di shvotim, di firshtn fun di foterhaizer fun di kinder fun Yisroel, kein Yerushalayim, kedei aroiftsubrengen dem orn fun Hashems bris fun Dovids-shtot, dos iz Tsiyon. 3 un ale mener fun Yisroel hobn zich aingezamlt tsum melech in dem yom-tov, dos iz in zibetn choidesh. 4 un ale eltste fun Yisroel zainen gekumen, un di Leviim hobn getrogn dem orn. 5 un zei hobn aroifgebracht dem orn, un dem ohel-moed, un ale heilike keilim vos in getselt – di koyanim un di Leviim hobn zei aroifgebracht. 6 un der melech Shlomo un di gantse eide fun Yisroel vos zainen geven aingezamlt arum im far dem orn, hobn geshlacht shof un rinder, vos hobn nisht gekent getseilt vern un nisht barechnt vern fun filkeit. 7 un di koyanim hobn araingebracht dem orn fun Hashems bris oif zain ort, in dem Devir fun hoiz, in kodshei-kodshim, unter di fliglen fun di kruvim.

8 vorem di kruvim hobn oisgeshpreit zeyere fliglen iber dem ort fun orn, un di kruvim hobn ibergedekt dem orn un zaine shtangen fun oiben. 9 un di shtangen zainen geven azoi lang, az di shpitsn fun di shtangen arois fun orn zainen gezen gevorn faran Devir, ober zei zainen nisht gezen gevorn vaiter arois. un er iz dortn geblibn biz oif haintikn tog.

10 gornisht iz in orn geven, nor di tsvei luches vos Moshe hot araingeton in Chorev, beeis Hashem hot geshlosn a bris mit di kinder fun Yisroel, ven zei zainen aroisgegangen fun Mitsrayim.

11 un es iz geven, vi di koyanim zainen aroisgegangen fun heiliktum – vorem ale koyanim vos hobn zich dortn gefunen, hobn zich gehat geheilikt, nisht achtndik oif di opteilungen; 12 un di Leviim di zingers, zei ale, ASaf, Heman, un Yedutun, un zeyere zin un zeyere brider, ongeton in fainlainen, mit tsimblen, un mit gitarn, un harfn, zainen geshtanen in mizrech fun mizbeyech, un mit zei hundert un tsvantsik koyanim trumeiterndik oif trumeitn – 13 iz, vi di trumeiterers un di zingers hobn in einem aroisgelozt ein kol tsu loibn un tsu danken Hashem, un vi zei hobn oifgehoibn dem kol mit trumeitn, un mit tsimblen, un mit klei-zemer, un geloibt Hashem: vorem er iz gut, vorem oif eibik iz zain chesed, azoi iz ful gevorn dos hoiz mit a volken – dos hoiz fun Hashem. 14 un di koyanim hobn nisht gekent zich shteln ton dem dinst fun vegen dem volken, vorem di pracht fun Hashem hot ongefilt dos hoiz fun HaElokim.