1 zibn yor iz Yoash alt geven, az er iz gevorn melech, un fertsik yor hot er gekinigt in Yerushalayim. un der nomen fun zain muter iz geven Tsivyah fun Beer-Sheva.

2 un Yoash hot geton vos iz rechtfartik in di oign fun Hashem ale teg fun Yehoyada dem koyen. 3 un Yehoyada hot far im genumen tsvei vaiber; un er hot geborn zin un techter.

4 un es iz geven noch dem, hot Yoash gehat in hartsn tsu banayen dos hoiz fun Hashem. 5 un er hot aingezamlt di koyanim un di Leviim, un er hot tsu zei gezogt: geit arois tsu di shtet fun Yehudah, un klaibt oif fun gants Yisroel gelt oif tsu farrichtn dos hoiz fun Elokeichem fun yor tsu yor; un ir zolt aich ailn vegen der zach. ober di Leviim hobn zich nisht geailt. 6 hot der melech gerufn Yehoyada dem hoipt, un hot tsu im gezogt: far vos hostu nisht farlangt fun di Leviim, tsu brengen fun Yehudah un fun Yerushalayim di opgob fun Moshe dem knecht fun Hashem, un fun der ainzamlung fun Yisroel, far dem getselt fun tseignim? 7 vorem Atalyahu di mershet, ire zin hobn tsebrochn dos hoiz fun HaElokim, un oich ale geheilikte zachn fun Hashems hoiz hobn zei farton far di Baal-geter.

8 un der melech hot geheisn, un me hot gemacht a kastn, un im avekgeshtelt baim toier fun Hashems hoiz fun oisenveinik. 9 un me hot aroisgelozt an oisruf in Yehudah un in Yerushalayim, tsu brengen tsu Hashem di matone zamlung fun Moshe dem knecht fun Elokim oif Yisroel in midber. 10 un ale harn un dos gantse folk hobn zich gefreit, un zei hobn gebracht un araingevorfn in kastn biz ful. 11 un es iz geven, beeis me flegt brengen dem kastn tsu di oifzeer fun melech durch der hant fun di Leviim, un vi zei hobn gezen az es iz do fil gelt, azoi flegt kumen der shraiber fun melech, un der oifzeer fun dem koyen-gadol, un zei flegn oisleidikn dem kastn, un im avektrogen un im umkeren oif zain ort. azoi hobn zei geton tog in tog, un zei hobn ongezamlt gelt lerov. 12 un der melech un Yehoyada hobn es gegebn tsu di verkmeinster iber der arbet fun Hashems hoiz; un zei hobn gedungen shteinheker un holtsmeinster, tsu banayen dos hoiz fun Hashem, un oif aizn un kupershmidn, tsu farrichtn dos hoiz fun Hashem. 13 un di baal-meloches hobn gearbet, un di arbet iz farricht gevorn durch zeyer hant, un zei hobn tsurikgeshtelt dos hoiz fun Elokim oif zain shtand, un im bafestikt. 14 un az zei hobn geendikt, hobn zei gebracht far dem melech un Yehoyadaen dem resht gelt, un me hot derfun gemacht keilim far Hashems hoiz, keilim tsum dinen un oifbrengen, un sholn, un gilderne un zilberne keilim. un me flegt oifbrengen brandopfer in hoiz fun Hashem tamid ale teg fun Yehoyadaen.

15 un Yehoyada iz gevorn alt un zat mit teg, un er iz geshtorbn; hundert un draisik yor iz er alt geven, az er iz geshtorbn. 16 un me hot im bagrobn in Dovids-shtot lebn di mlochim, vail er hot geton guts tsvishn Yisroel, un far HaElokim un zain hoiz.

17 un noch dem toit fun Yehoyadaen zainen gekumen di harn fun Yehudah, un zei hobn zich gebukt tsum melech. dentsmol hot der melech zich tsugehert tsu zei. 18 un zei hobn farlozen dos hoiz fun Hashem dem G-t fun zeyere eltern, un zei hobn gedint di getsnboimer, un di getsnbilder, un es iz geven a tsorn oif Yehudah un Yerushalayim far der doziker farshuldikung zeyerer. 19 un er hot geshikt tsu zei neviim, zei umtsukeren tsu Hashem, un zei hobn zei gevornt, ober zei hobn nisht tsugeton dos oier.

20 un der gaist fun Elokim hot ongekleidt Zecharyah dem zun fun Yehoyada dem koyen, un er hot zich geshtelt iber dem folk, un hot tsu zei gezogt: azoi hot HaElokim gezogt: far vos tret ir iber di gebot fun Hashem, az ir zolt nisht baglikn? vorem ir hot farlozen Hashem, un er hot aich farlozen. 21 hobn zei gemacht oif im a bunt, un hobn im farshteint mit shteiner oif dem bafel fun melech, in hoif fun Hashems hoiz.

22 un der melech Yoash hot nisht gedacht on dem chesed vos zain foter Yehoyada hot mit im geton, un er hot geharget zain zun. un az er iz geshtorbn, hot er gezogt: Hashem vet zen un vet oifmonen.

23 un es iz geven, baim arumdrei fun yor, iz aroifgegangen oif im der cheil fun Aram, un zei zainen gekumen kein Yehudah un Yerushalayim, un hobn umgebracht ale harn fun folk fun tsvishn dem folk, un zeyer gantsn roib hobn zei avekgeshikt tsum melech fun Darmesek. 24 hagam der cheil fun Aram iz gekumen mit vintsik mentshn, ober Hashem hot ibergegebn in zeyer hant zeyer a groisn cheil, vail zei hobn farlozen Hashem dem G-t fun zeyere eltern. un zei hobn geton a mishpot oif Yoashn. 25 un az zei zainen avek fun im – vorem zei hobn im gelozn in grois krankshaft – hobn zaine knecht gemacht a bunt oif im – far dem blut fun di zin fun Yehoyada dem koyen – un zei hobn im geharget oif zain bet, un er iz geshtorbn. un me hot im bagrobn in Dovids-shtot, ober me hot im nisht bagrobn in di kvorim fun di mlochim, 26 un dos zainen di vos hobn gemacht dem bunt oif im: Zavad der zun fun Shimat der Amonit, un Yehozavad der zun fun Shimrit der Moavit.

27 un zaine zin, un di fil nevues iber im, un di bafestikung fun hoiz fun Elokim, zei zainen bashribn in dem medrash fun dem buch fun di mlochim. un zain zun Amatsyahu iz gevorn melech oif zain ort.