1 un vi Atalyah di muter fun Achazyahun hot gezen az ir zun iz toit, azoi iz zi oifgeshtanen, un hot umgebracht dem gantsn kiniglechn opshtam. 2 hot Yehosheva di tochter fun melech Yoram, Achazyahus shvester, genumen Yoash dem zun fun Achazyahn, un hot im aroisgegnvet fun tsvishn dem melechs kinder vos hobn gezolt geteit vern, im un zain nam, in a shlofkamer; un me hot im bahaltn fun Atalyahun, un er iz nisht geteit gevorn. 3 un er iz geven bahaltn bai ir in hoiz fun Hashem zeks yor. un Atalyah hot gekinigt ibern land.

4 un oifn zibetn yor hot Yehoyada geshikt un hot genumen di hoiptlait iber di hundertn, fun di Karim un fun di loifers, un er hot zei gebracht tsu zich in hoiz fun Hashem, un er hot mit zei geshlosn a bris, un hot zei bashvorn in hoiz fun Hashem, un zei gevizn dem melechs zun. 5 un er hot zei bafoiln, azoi tsu zogn: dos iz di zach vos ir zolt ton: a dritel fun aich, di vos kumen arain Shabbos un hitn di hitung fun dem melechs hoiz – 6 noch a dritel iz geven baim toier Sur, un a dritel baim toier hinter di loifers – zolt hitn di hitung fun palats far an optsam. 7 un tsvei teiln fun aich, ale vos geyen arois Shabbos, zoln hitn di hitung fun Hashems hoiz arum dem melech. 8 un ir zolt arumringlen dem melech rund arum, itlecher mit zaine vafn in zain hant. un ver es kumt arain in di reyen, zol geteit vern. un zait mit dem melech bai zain aroisgein un bai zain araingein.

9 hobn di hoiptlait fun di hundertn geton azoi vi alts vos Yehoyada der koyen hot bafoiln, un zei hobn genumen itlecher zaine mentshn, di vos kumen arain Shabbos, mit di vos geyen arois Shabbos, un zei zainen gekumen tsu Yehoyada dem koyen. 10 un der koyen hot gegebn di hoiptlait fun di hundertn di shpizn un di shildn vos fun melech Dovid, vos in hoiz fun Hashem. 11 un di loifers hobn zich geshtelt itlecher mit zaine vafn in zain hant, fun der rechter zait fun hoiz biz der linker zait fun hoiz, baim mizbeyech, un baim hoiz, lebn melech rund arum. 12 un er hot aroisgefirt dem melechs zun, un hot ongeton oif im di kroin un di tseignim; un zei hobn im gemacht far a melech, un hobn im gezalbt; un zei hobn geklapt di hent, un gezogt: lebn zol der melech!

13 un Atalyah hot gehert dem kol fun di loifers un dem folk, un zi iz gekumen tsu dem folk in hoiz fun Hashem. 14 un zi hot gezen, ersht der melech shteit oif der bime, azoi vi der shteiger, un di harn un di trumeiterers lebn melech, un dos gantse folk fun land freit zich, un blozt in trumeitn; hot Atalyah tserisn ire kleider, un hot aroisgerufn: a bunt! a bunt!

15 hot Yehoyada der koyen bafoiln di hoiptlait fun di hundertn, di oifzeer fun cheil, un er hot tsu zei gezogt: firt zi arois biz ineveinik fun di reyen; un dem vos geit ir noch, teit mitn shverd. vorem der koyen hot gezogt: zi zol nisht geteit vern in hoiz fun Hashem.

16 hobn zei gemacht far ir ort, un zi iz araingegangen durch dem ferdaingang in melechs hoiz, un iz dortn geteit gevorn.

17 un Yehoyada hot geshlosn a bris tsvishn Hashem un tsvishn dem melech un dem folk, tsu zain dos folk fun Hashem; oich tsvishn dem melech un tsvishn dem folk. 18 un dos gantse folk fun land iz araingegangen in hoiz fun Baal, un zei hobn es aingevorfn; zaine mizbeyches un zaine bilder hobn zei gut tsebrochn, un Mattan dem koyen fun Baal hobn zei geharget far di mizbeyches.

un der koyen hot gemacht oifzeer iber dem hoiz fun Hashem. 19 un er hot genumen di hoiptlait fun di hundertn, un di Karim, un di loifers, un dos gantse folk fun land, un zei hobn aropgebracht dem melech fun Hashems hoiz, un zei zainen araingegangen durch dem toier fun di loifers in melechs hoiz. un er hot zich gezetst oifn tron fun di mlochim. 20 un dos gantse folk fun land hot zich gefreit, un di shtot iz geven ruik. un Atalyahun hobn zei geteit mitn shverd in melechs hoiz.