1 un eine a froi fun di vaiber fun di yunge neviim hot geshrien tsu Elishah, azoi tsu zogn: dain knecht, main man, iz toit; un du veist az dain knecht iz geven a yore Hashem; un der baal-choiv iz gekumen nemen tsu zich maine tsvei kinder far knecht. 2 hot Elishah tsu ir gezogt: vos zol ich dir ton? zog mir vos hostu in hoiz? hot zi gezogt: dain dinst hot gornisht in hoiz, nor bloiz a krigl eil. 3 hot er gezogt: gei borg dir keilim fun deroisn, fun ale daine shecheynim, leidike keilim; zolst nisht kargn. 4 un zolst araingein un farshlisn di tir hinter dir un hinter daine zin, un zolst ongisn in ale di dozike keilim; un di fule zolstu avekrukn.

5 iz zi avekgegangen fun im, un zi hot farshlosn di tir hinter zich un hinter ire zin: zei hobn ir derlangt, un zi hot ongegosen. 6 un es iz geven, vi di keilim zainen gevorn ful, azoi hot zi gezogt tsu ir zun: derlang mir noch a keile. hot er tsu ir gezogt: nishto mer kein keile. un dos eil hot zich opgeshtelt.

7 iz zi gekumen, un hot dertseilt dem man fun G-t, un er hot gezogt: gei farkoif dos eil, un batsol dain choiv, un du mit daine zin vest lebn oif dem resht.

8 un es iz geven ein tog, iz Elishah aribergegangen kein Shunem, un dortn iz geven a raiche froi, hot zi im farhaltn tsu esen broit. un es iz geven, az ven nor er iz durchgegangen, flegt er farkern ahin tsu esen broit. 9 hot zi gezogt tsu ir man: ze, ich bet dich, ich veis az dos iz a heiliker man fun G-t vos geit durch bai undz tamid. 10 lomir machn, ich bet dich, a klein gemoiert eiberstibl, un lomir dortn avekshtelen far im a bet, un a tish un a shtul, un a lomp, un es vet zain, vi er kumt tsu undz, azoi vet er ainkern ahin.

11 un es iz geven ein tog, iz er ahin gekumen, un er hot aingekert in der oibershtub, un hot zich dortn geleigt. 12 un er hot gezogt tsu zain yung Geichazi: ruf di dozike Shunamit. hot er zi gerufn, un zi hot zich geshtelt far im.

13 hot er tsu im gezogt: zog akorsht tsu ir: ze, du host gezorgt fun undzerent vegen di dozike gantse zorg; vos iz do tsu ton far dir? iz do tsu redn far dir tsum melech oder tsum har fun cheil? hot zi gezogt: tsvishn main shtam zits ich.

14 hot er gezogt: vos iz fort do tsu ton far ir? hot Geichazi gezogt: far vor zi hot nisht kein kind, un ir man iz alt. 15 hot er gezogt: ruf zi, un er hot zi gerufn, un zi hot zich geshtelt in tir. 16 hot er gezogt: in der tsait, azoi vi itst iber a yor, vestu haldzn a zun. hot zi gezogt: nein, main har man fun G-t! zolst nisht narn dain dinst.

17 un di froi iz trogedik gevorn, un zi hot geborn a zun in der tsait in a yor arum, azoi vi Elishah hot tsu ir geredt.

18 un dos kind iz oifgevaksn; un es iz geven ein tog, iz er aroisgegangen tsu zain foter bai di shniters. 19 un er hot gezogt tsu zain foter: main kop, main kop! hot er gezogt tsum yung: trog im avek tsu zain muter. 20 hot er im avekgetrogen un im gebracht tsu zain muter. un er iz gezesn oif ire kni biz halbn tog, un iz geshtorbn. 21 iz zi aroifgegangen, un hot im avekgeleigt oifn bet fun dem man fun G-t, un zi hot im farshlosn, un iz aroisgegangen.

22 un zi hot gerufn tsu ir man un hot gezogt: shik mir, ich bet dich, einem fun di yungen mit einer fun di eizelins, un ich vel ariberloifn tsum man fun G-t, un vel zich umkeren. 23 hot er tsu ir gezogt: far vos geistu tsu im haint, nisht rosh-choidesh un nisht Shabbos? hot zi gezogt: es iz frid.

24 un zi hot ongezotlt di eizelin, un hot gezogt tsu ir yung: traib un gei; zolst mich nisht oifhaltn in raitn, saidn ich hob dir geheisn.

25 un zi iz gegangen un gekumen tsum man fun G-t oifn barg Karmel. un es iz geven, vi der man fun G-t hot zi derzen fun vaitn, azoi hot er gezogt tsu zain yung Geichazin: on iz yene Shunamit. 26 atsund loif akorsht ir antkegen, un zog tsu ir: iz frid tsu dir? iz frid tsu dain man? iz frid tsum kind? hot zi gezogt: frid.

27 un zi iz gekumen tsum man fun G-t oifn barg, un zi hot zich ongenumen on zaine fis; hot Geichazi genent zi avektsushtoisn, ober der man fun G-t hot gezogt: loz zi op, vorem ir zel iz farbitert, un Hashem hot farhoiln fun mir, un hot mir nisht dertseilt.

28 hot zi gezogt: hob ich den gebetn a zun bai main har? hob ich nisht gezogt: zolst mich nisht genarn?

29 hot er gezogt tsu Geichazin: gurt on daine lendn, un nem main shtekn in dain hant, un gei; az du vest ontrefn emitsn, zolstu im nisht bagrisn, un az emetser vet dich bagrisn, zolstu im nisht entfern; un zolst aroifton main shtekn oifn yingls ponem.

30 hot gezogt di muter fun yingel: azoi vi Hashem lebt, un azoi vi dain zel lebt, oib ich vel dich oplozen! iz er oifgeshtanen un iz gegangen noch ir.

31 un Geichazi iz avekgegangen zei farois, un hot aroifgeton dem shtekn oifn yingls ponem, ober kein kol un kein herung. hot er zich umgekert im antkegen, un hot im dertseilt, azoi tsu zogn: der yingel hot zich nisht oifgechapt.

32 un Elishah iz gekumen in hoiz, ersht der yingel iz toit, avekgeleigt oif zain bet. 33 iz er araingegangen un hot farshlosn di tir hinter zei tsveyen, un er hot mispalel geven tsu Hashem. 34 un er iz aroif un hot zich geleigt ibern kind, un hot aroifgeton zain moil oif zain moil, un zaine oign oif zaine oign, un zaine hent oif zaine hent, un er hot zich oisgetsoign oif im, biz der laib fun yingel iz gevorn varem. 35 un er hot zich umgekert, un iz umgegangen in hoiz ein mol ahin un ein mol aher; un er iz aroif un hot zich oisgetsoign oif im; un der yingel hot genosn biz zibn mol, un der yingel hot oifgemacht zaine oign.

36 hot er gerufn Geichazin, un hot gezogt: ruf di dozike Shunamit. hot er zi gerufn, un zi iz araingekumen tsu im; hot er gezogt: nem dain zun.

37 iz zi tsugekumen, un iz gefaln tsu zaine fis, un hot zich gebukt tsu der erd. un zi hot genumen ir zun, un iz aroisgegangen.

38 un Elishah hot zich umgekert kein Gilgal; un a hunger iz geven in land; un di yunge neviim zainen gezesn far im; hot er gezogt tsu zain yung: shtel tsu dem groisn top, un koch op a gekechts far di yunge neviim. 39 iz einer aroisgegangen in feld klaibn kraitecher, un er hot gefunen a feldbeiml un hot ongeklibn derfun vilde ugerkes a ful kleid zains. un er iz gekumen un hot es araingeshnitn in top gekechts; vail zei hobn es nisht gekent. 40 hot men araingegosn di mentshn tsum esen; un es iz geven, vi zei hobn gegesn fun dem gekechts, azoi hobn zei oisgeshrien un gezogt: toit iz in top, man fun G-t. un zei hobn nisht gekent esen. 41 hot er gezogt: to brengt mel. un er hot araingeshotn in top, un hot gezogt: gis arain far di mentshn, un zoln zei esen. un kein shum beiz iz in top nisht geven.

42 un a man iz gekumen fun Baal-Shalishah, un hot gebracht dem man fun G-t broit fun ershter tvue, tsvantsik gershtene broiten, un frishe zangen in zain zak. hot er gezogt: gib di mentshn un zoln zei esen. 43 hot zain meshores gezogt: vi ken ich dos derlangen far hundert man? hot er gezogt: gib di mentshn, un zoln zei esen. vorem azoi hot Hashem gezogt: zei veln esen un noch iberlozen. 44 un er hot derlangt far zei, un zei hobn gegesn un noch ibergelozn, azoi vi dos vort fun Hashem.