1 in drai un tsvantsikstn yor fun Yoash dem zun fun Achazyahun, dem melech fun Yehudah, iz Yehoachaz der zun fun Yehuen gevorn melech iber Yisroel in Shomron, zibetsn yor. 2 un er hot geton vos iz shlecht in di oign fun Hashem, un iz gegangen noch di zind fun Yarovam dem zun fun Nevaten, vos er hot gemacht zindikn Yisroel; er hot zich nisht opgekert derfun. 3 un der tsorn fun Hashem hot gegrimt oif Yisroel, un er hot zei gegebn in der hant fun Chazael dem melech fun Aram, un in der hant fun Ben-Hadad dem zun fun Chazaeln, ale teg.

4 hot Yehoachaz gebetn tsu Hashem, un Hashem hot tsugehert tsu im, vorem er hot gezen di drikung fun Yisroel, az der melech fun Aram hot zei gedrikt – 5 un Hashem hot gegebn Yisroel a helfer, un zei zainen arois fun unter der hant fun Aram; un di kinder fun Yisroel zainen gezesn in zeyere getseltn azoi vi nechtn-eyernechtn. 6 ober zei hobn zich nisht opgekert fun di zind fun dem hoiz fun Yorovamen, vos er hot gemacht zindikn Yisroel; zei zainen gegangen derin; un oich di Asherah iz geblibn shtein in Shomron. – 7 vorem er hot nisht ibergelozn Yehoachazen kein manshaft, nor bloiz fuftsik raiter, un tsen raitvegn, un tsen toiznt fusgeyer. vail der melech fun Aram hot zei umgebracht, un zei gemacht azoi vi shtoib tsum tretn.

8 un di iberike zachn vegen Yehoachazen, un alts vos er hot geton, un zain gevurhshaft, dos iz shoin bashribn in buch fun di tsaitgesheenishn fun di mlochim fun Yisroel.

9 un Yehoachaz hot zich geleigt mit zaine eltern, un me hot im bagrobn in Shomron. un zain zun Yoash iz gevorn melech oif zain ort.

10 in zibn un draisikstn yor fun Yoash dem melech fun Yehudah iz Yehoash der zun fun Yehoachazen gevorn melech iber Yisroel in Shomron, zechtsn yor. 11 un er hot geton vos iz shlecht in di oign fun Hashem; er hot zich nisht opgekert fun ale zind fun Yarovam dem zun fun Nevaten, vos er hot gemacht zindikn Yisroel; er iz gegangen derin.

12 un di iberike zachn vegen Yoashn, un alts vos er hot geton, un zain gevurhshaft, vi er hot milchome gehaltn mit Amatsyah dem melech fun Yehudah, dos iz shoin bashribn in buch fun di tsaitgesheenishn fun di mlochim fun Yisroel.

13 un Yoash hot zich geleigt mit zaine eltern; un Yarovam hot zich gezetst oif zain tron. un Yoash iz bagrobn gevorn in Shomron lebn di mlochim fun Yisroel.

14 un Elishah iz krank gevorn oif der krankshaft vos er hot gezolt fun ir shtarbn; un Yoash der melech fun Yisroel hot aropgenidert tsu im, un er hot geveint oif zain ponem, un hot gezogt: foter mainer, foter mainer, raitvegn un raiter fun Yisroel!

15 hot Elishah tsu im gezogt: breng a boign un failn. hot er im gebracht a boign un failn. 16 hot er gezogt tsu dem melech fun Yisroel: leig aroif dain hant oifn boign. hot er aroifgeleigt zain hant, un Elishah hot aroifgeton zaine hent oif di hent fun melech. 17 un er hot gezogt: efen dem fentster tsu mizrech; hot er geefent. hot Elishah gezogt: shis; un er hot geshosn. hot er gezogt: a fail fun yeshue fun Hashem, un a fail fun yeshue akegn Aram; un vest shlogn Aram in Afek biz tsu farlendn.

18 un er hot gezogt: nem di failn; un er hot zei genumen. hot er gezogt tsu dem melech fun Yisroel: shlog on der erd; un er hot geshlogn drai mol un hot zich opgeshtelt.

19 hot getsernt oif im der man fun G-t, un hot gezogt: gezolt shlogn finf oder zeks mol; dentsmol volstu geshlogn Aram biz tsum farlendn; ober atsund vestu nor drai mol shlogn Aram.

20 un Elishah iz geshtorbn, un me hot im bagrobn. un bandes fun Moav flegn kumen in land baim onkum fun yor.

21 un es iz geven, me bagrobt azoi a mentshn, ersht zei derzen a bande. hobn zei araingevorfn dem man in Elishahs keyver. un der man hot zich gekaiklt biz er hot zich ongerirt on Elishahs beiner, un iz lebedik gevorn, un hot zich geshtelt oif zaine fis.

22 un Chazael der melech fun Aram hot gedrikt Yisroel ale teg fun Yehoachazen. 23 ober Hashem hot zei gelaitzelikt un zich derbaremt oif zei, un hot zich tsugekert tsu zei fun vegen zain bris mit Avraham, Yitschak, un Yaakov, un er hot zei nisht gevolt umbrengen, un hot zei nisht avekgevorfen fun zain ponem biz atsund.

24 un Chazael der melech fun Aram iz geshtorbn. un zain zun Ben-Hadad iz gevorn melech oif zain ort.

25 un Yehoash der zun fun Yehoachazen hot tsurikgekert fun der hant fun Ben-Hadad dem zun fun Chazaeln di shtet vos er hot gehat tsugenumen fun der hant fun zain foter Yehoachazen in milchome. drai mol hot im Yoash geshlogn, un hot tsurikgekert di shtet fun Yisroel.