1 un Naaman der cheil-lider fun dem melech fun Aram iz geven a groiser man bai zain har, un ongezen, vorem durch im hot Hashem gegebn a groise yeshue tsu Aram. un der man iz geven a heldisher gibor, ober a Metsora.

2 un di Aramim zainen aroisgegangen in bandes, un hobn gefangen fun land Yisroel a klein meidl; un zi hot badint Naamans vaib. 3 hot zi gezogt tsu ir harinte: halevay iz main har bai dem novi vos in Shomron; er volt im dentsmol oisgeheilt fun zain tsoraas.

4 iz er gekumen un hot dertseilt zain har, azoi tsu zogn: azoi un azoi hot geredt di meidl vos fun land Yisroel. 5 hot der melech fun Aram gezogt: kum gei, un ich vel shikn a briv tsu dem melech fun Yisroel. iz er gegangen un er hot genumen mit zich tsen tsentner zilber, un zeks toiznt goldshtik, un tsen gang kleider. 6 un er hot gebracht dem briv tsu dem melech fun Yisroel, azoi tsu zogn: un atsund, vi der doziker briv kumt tsu dir, ot hob ich dir geshikt main knecht Naamanen, zolstu im oisheilen fun zain tsoraas.

7 un es iz geven, vi der melech fun Yisroel hot ibergeleyent dem briv, azoi hot er tserisn zaine kleider, un hot gezogt: bin ich den HaElokim tsu teitn un tsu machn lebedik, az der doziker shikt tsu mir, tsu heiln a mentsh fun zain tsoraas? yo, merkt nor, ich bet aich, un zet, az an oisreid er zucht akegn mir.

8 un es iz geven, vi Elishah der man fun G-t hot gehert az der melech fun Yisroel hot tserisn zaine kleider, hot er geshikt tsum melech, azoi tsu zogn: far vos hostu tserisn daine kleider? zol er akorsht kumen tsu mir, un er vet visen az es iz do a novi in Yisroel.

9 iz Naaman gekumen mit zaine ferd un mit zaine raitvegn, un hot zich geshtelt far dem aingang fun Elishahs hoiz.

10 hot Elishah geshikt tsu im a sheliech, azoi tsu zogn: gei, un zolst zich bodn zibn mol in Yarden, un dain laib vet zich umkeren tsu dir, un vest vern rein.

11 hot Naaman getsernt, un er iz avekgegangen, un hot gezogt: ze, ich hob gemeint, aroisgein vet er aroisgein tsu mir, un vet zich avekshtelen un vet rufn dem nomen fun Hashem zain G-t, un fochn mit zain hant oif dem ort, un aveknemen di tsoraas. 12 zainen nisht Amanah un Parpar, di taichn fun Damesek beser fun ale vasern fun Yisroel? ken ich zich nisht bodn in zei, un vern rein? un er hot zich umgekert un iz avekgegangen mit grimtsorn.

13 hobn zaine knecht genent, un hobn geredt un tsu im gezogt: main foter, az der novi volt dir geheisn a groise zach, volstu den nisht geton? haint vi az er zogt dir nor: bod zich, un ver rein?

14 hot er aropgenidert un zich getoivelt in Yarden zibn mol, azoi vi dos vort fun dem man fun G-t, un zain laib hot zich umgekert azoi vi der laib fun a klein yingel, un er iz gevorn rein.

15 hot er zich umgekert tsum man fun G-t, er mit zain gantser machne, un er iz gekumen un hot zich geshtelt far im, un hot gezogt: ot atsund veis ich az nishto kein G-t oif der gantser erd nor bloiz in Yisroel. un atsund, nem on, ich bet dich, a matone fun dain knecht. 16 hot er gezogt: azoi vi es lebt Hashem vos ich shtei far im, oib ich vel nemen! un er iz tsugeshtanen tsu im tsu nemen, ober er hot nisht gevolt. 17 hot Naaman gezogt: oib dos nisht, zol, ich bet dich, gegebn vern dain knecht erd, di mase fun tsvei moileizlen; vorem dain knecht vet mer nisht machn brandopfer oder shlachtopfer tsu andere g‑ter nor bloiz tsu Hashem. 18 far der doziker zach zol Hashem fargebn dain knecht: ven main har kumt in hoiz fun Rimmon zich dortn tsu bukn, un er iz ongelent oif main hant, un ich vel zich bukn in hoiz fun Rimmon, ven ich muz zich bukn in hoiz fun Rimmon, zol Hashem fargebn dain knecht in der doziker zach. 19 hot er tsu im gezogt: gei besholem. un er iz avekgegangen fun im a shtrek land.

20 un Geichazi, der yung fun Elishah dem man fun G-t, hot gezogt: ot hot main har opgezogt dem dozikn Naaman dem Aramit, ontsunemen fun zain hant dos vos er hot gebracht. azoi vi Hashem lebt, az ich muz im nochloifn, un nemen fun im epes!

21 un Geichazi hot nochgeyogt Naamanen; un vi Naaman hot gezen emitsn loifn noch im, azoi iz er aropgeshprungen fun raitvogn im antkegen, un hot gezogt: iz frid? 22 hot er gezogt: frid. main har hot mich geshikt azoi tsu zogn: ot akorsht atsund zainen gekumen tsu mir tsvei yungelait fun dem geberg fun Efrayim, fun di yunge neviim. gib far zei, ich bet dich, a tsentner zilber un tsvei gang kleider. 23 hot Naaman gezogt: bavilik, nem tsvei tsentner. un er iz tsugeshtanen tsu im, un hot aingebundn tsvei tsentner zilber in tsvei zeklech, un tsvei gang kleider, un gegebn tsu tsvei fun zaine yungen, un zei hobn es getrogn im farois. 24 un vi er iz gekumen tsum bergel, azoi hot er es tsugenumen fun zeyer hant, un bahaltn in hoiz; un er hot avekgeshikt di mentshn, un zei zainen avekgegangen.

25 un er iz gekumen un hot zich geshtelt far zain har. hot Elishah tsu im gezogt: fun vanen, Geichazi? hot er gezogt: dain knecht iz in ergets nisht gegangen. 26 hot er tsu im gezogt: iz nisht main harts mitgegangen ven a man hot zich umgedreit fun zain raitvogn dir antkegen? iz dos a tsait tsu nemen zilber, un nemen kleider, oder eilbertgertner un vaingertner, oder shof un rinder, oder knecht un dinstn? 27 derum zol Naamans tsoraas zich baheftn on dir un on dain zomen oif eibik. un er iz aroisgegangen fun far im Metsora vi shnei.