1 un es iz geven noch dem: Avshalom der zun fun Dovidn hot gehat a sheine shvester vos ir nomen iz geven Tamar, un Amnon der zun fun Dovidn hot zi lib gekrign. 2 un Amnon hot zich geklemt biz tsum krank vern, fun vegen zain shvester Tamarn, vorem zi iz geven a yungfroi; un es iz geven farhoiln in Amnons oign vi azoi ir epes tsu ton.

3 un Amnon hot gehat a chever vos zain nomen iz geven Yehonadav der zun fun Shimeah, Dovids bruder, un Yehonadav iz geven zeyer a kluger mentsh. 4 hot er tsu im gezogt: far vos bistu azoi opgetsert frimorgn in frimorgn, du ben-melech? vilstu mir nisht zogn? hot Amnon tsu im gezogt: ich hob lib Tamarn, main bruder Avshaloms shvester. 5 hot Yehonadav tsu im gezogt: leig zich oif dain geleger, un mach zich krank, un az dain foter vet dich kumen zen, azoi zolstu zogn tsu im: zol, ich bet dich, kumen main shvester Tamar, un mir gebn esen shpaiz, un zol zi machn dos esen far maine oign, kedei ich zol zen, un esen fun ir hant.

6 hot Amnon zich geleigt un zich gemacht krank, un vi der melech iz im gekumen zen, azoi hot Amnon gezogt tsum melech: zol, ich bet dich, kumen main shvester Tamar, un tsubreitn far maine oign a por fankuchns, un ich vel esen fun ir hant.

7 hot Dovid geshikt tsu Tamarn in hoiz, azoi tsu zogn: gei akorsht in dain bruder Amnons hoiz, un mach im esen.

8 iz Tamar gegangen in ir bruder Amnons hoiz; un er iz gelegn. un zi hot genumen dem teig, un hot geknetn un tsubareit far zaine oign, un gebakt di fankuchns. 9 un zi hot genumen di fan, un hot oisgegosen far im; ober er hot nisht gevolt esen. un Amnon hot gezogt: firt arois ale mentshn fun mir. zainen ale mentshn aroisgegangen fun im. 10 un Amnon hot gezogt tsu Tamarn: breng dos esen in kamer, un ich vel esen fun dain hant. hot Tamar genumen di fankuchns vos zi hot gemacht, un araingebracht tsu ir bruder Amnonen in kamer. 11 un vi zi hot im derlangt tsum esen, azoi hot er zi ongenumen, un hot gezogt: kum lig mit mir, main shvester. 12 hot zi tsu im gezogt: nisht, main bruder! zolst mich nisht painiken, vorem azoi vert nisht geton in Yisroel; zolst nisht ton di dozike nevole. 13 un ich, vu vel ich ahinton main charpe? un du vest zain azoi vi einer fun di nidertrechtike in Yisroel. un atsund, red, ich bet dich, tsum melech, vorem er vet mich nisht farmaidn fun dir.

14 ober er hot nisht gevolt tsuhern tsu ir kol, un er hot zi ibergeshtarkt, un hot zi gepainikt, un iz gelegn mit ir.

15 un Amnon hot zi faint gekrign zeyer a grois faintshaft; vorem di faintshaft vos er hot zi faint gekrign, iz geven greser fun der libshaft vos er hot zi lib gehat. un Amnon hot tsu ir gezogt: shtei oif, gei. 16 hot zi tsu im gezogt: nite! vorem dos dozike beiz mich avektsushikn iz noch greser vi dos andere vos du host geton mit mir. ober er hot nisht gevolt tsuhern tsu ir. 17 un er hot gerufn zain yung, zain meshores, un hot gezogt: shikt akorsht arois di dozike fun mir droisn, un farshlis di tir hinter ir. 18 – un zi hot gehat oif zich a mantl pasim, vorem azelche mantlen flegn trogn dem melechs techter di yungfroin. – hot zain meshores zi aroisgefirt droisn, un hot farshlosn di tir hinter ir. 19 un Tamar hot genumen ash oif ir kop, un dos mantl pasim vos oif ir hot zi tserisn, un zi hot aroifgeton ir hant oif ir kop, un iz gegangen un geyendik geshrien.

20 hot tsu ir gezogt ir bruder Avshalom: iz Amnon dain bruder geven mit dir? un atsund, main shvester, shvaig, vorem er iz dain bruder; zolst dir nisht nemen tsum hartsn di dozike zach. un Tamar iz gezesn a viste in ir bruder Avshaloms hoiz.

21 un der melech Dovid hot gehert ale di dozike zachn. un im hot zeyer geergert.

22 un Avshalom hot nisht geredt mit Amnonen fun shlechts biz guts, vorem Avshalom hot faint gekrign Amnonen derfar vos er hot gepainikt zain shvester Tamarn.

23 un es iz geven in tsvei yor tsait arum, hot men geshorn bai Avshalomen in Baal-Chatsor vos bai Efrayim, un Avshalom hot farrufn ale zin fun melech. 24 un Avshalom iz gekumen tsum melech, un hot gezogt: ot, ich bet dich, shert men bai dain knecht; zol, ich bet dich, der melech un zaine knecht mitgein mit dain knecht. 25 hot der melech gezogt tsu Avshalomen: nein, main zun, lomir akorsht nisht ale gein, kedei mir zoln nisht faln tsu shver oif dir. iz er tsugeshtanen tsu im, ober er hot nisht gevolt gein, un er hot im gebentsht. 26 hot Avshalom gezogt: oib nisht, zol, ich bet dich, gein mit undz main bruder Amnon. hot der melech tsu im gezogt: noch vos zol er gein mit dir? 27 iz Avshalom tsugeshtanen tsu im, un er hot geshikt mit im Amnonen un ale zin fun melech.

28 un Avshalom hot bafoiln zaine yungen, azoi tsu zogn: zet akorsht, vi Amnons harts iz freilech fun vain, un ich vel aich zogn: shlogt Amnonen, azoi zolt ir im teitn; ir zolt nisht moire hobn, vorem ich hob doch aich bafoiln. shtarkt aich un zait heldishe yungen.

29 hobn di yungen fun Avshalomen geton tsu Amnonen azoi vi Avshalom hot bafoiln, un ale zin fun melech zainen oifgeshtanen, un hobn zich gezetst itlecher oif zain moileizl, un zainen antlofn. 30 un es iz geven, vi zei zainen unter vegens, azoi iz di herung ongekumen tsu Dovidn, azoi tsu zogn: Avshalom hot dershlogn ale zin fun melech, un nisht geblibn fun zei an eintsiker.

31 iz der melech oifgeshtanen, un er hot tserisn zaine kleider, un hot zich geleigt oif der erd; un ale zaine knecht zainen geshtanen mit tserisene kleider. 32 hot zich opgerufn Yehonadav der zun fun Shimeah, Dovids bruder, un hot gezogt: zol nisht meinen main har, ale yungelait, di zin fun melech, hot men geteit, vorem bloiz Amnon iz toit; vail dos iz geven opgemacht fun Avshaloms moil fun dem tog vos er hot gepainikt zain shvester Tamarn. 33 un atsund zol main har der melech zich nisht nemen di zach tsum hartsn, azoi tsu zogn: ale zin fun melech zainen toit, vorem bloiz Amnon iz toit.

34 un Avshalom iz antlofn.

un der yung der vechter hot oifgehoibn zaine oign un gezen, ersht fil folk geyen fun dem veg hinter im, fun zait barg. 35 un Yehonadav hot gezogt tsum melech: on zainen gekumen dem melechs zin. azoi vi dos vort fun dain knecht, azoi iz geven.

36 un es iz geven, vi er endikt redn, ersht dem melechs zin zainen ongekumen, un zei hobn oifgehoibn zeyer kol un hobn geveint, un oich der melech un ale zaine knecht hobn geveint zeyer a grois gevein.

37 un Avshalom iz antlofn, un iz avek tsu Talmai dem zun fun Ammihudn, dem melech fun Geshur. un hot getroiert oif zain zun ale teg.

38 azoi iz Avshalom antlofn, un iz avek kein Geshur, un er iz dortn geven drai yor.

39 un Dovid hameilech iz oisgegangen fun benkshaft noch Avshalomen, vorem er hot zich shoin getreist vegen Amnonen, vos er iz toit.