1 un vi Dovid iz geven a bisel avekgegangen fun shpits, ersht Tsiva der yung fun Mefivosheten kumt im antkegen mit a por gezotlte eizlen, un oif zei tsvei hundert broiten, un hundert bintlech rozinkes, un hundert bintlech zumeroips, un a logl vain.

2 hot der melech gezogt tsu Tsivaen: tsu vos zainen di dozike bai dir? hot Tsiva gezogt: di eizlen far dem melechs hoizgezint tsu raitn, un dos broit un di zumeroips far di yungen tsum esen, un der vain tsum trinken far dem farshmachtn in midber. 3 hot der melech gezogt: un vu iz dain hars zun? hot Tsiva gezogt tsum melech: on iz er geblibn in Yerushalayim, vorem er hot gezogt: haint vet mir dos hoiz fun Yisroel umkeren di meluche fun main foter. 4 hot der melech gezogt tsu Tsivaen: ze, altsding vos gehert tsu Mefivosheten iz dains. hot Tsiva gezogt: ich buk zich; lomich gefinen chein in daine oign, main har melech.

5 un vi der melech Dovid iz gekumen biz bochurim, ersht fun dortn geit arois a man fun der mishpoche fun Shauls hoiz, vos zain nomen iz geven Shimei der zun fun Geran – geit un shilt geyendik.

6 un er hot gevorfn mit shteiner oif Dovidn, un oif ale knecht fun melech Dovidn; un dos gantse folk un ale giborim zainen geven fun zain rechter zait un fun zain linker. 7 un azoi hot Shimei gezogt, ven er hot gesholtn: gei arois, gei arois, blutiker mentsh un nidertrechtiker mentsh. 8 Hashem hot umgekert oif dir al dos blut fun dem hoiz fun Shauln, vos du bist gevorn melech oif zain ort, un Hashem hot gegebn di meluche in der hant fun dain zun Avshalomen. un ot bistu in dain umglik, vail a blutiker mentsh bistu.

9 hot Avishai der zun fun Tseruyahn gezogt tsum melech: far vos zol der doziker toiter hunt shiltn main har dem melech? lomich, ich bet dich aribergein, un ich vel im dem kop aropnemen.

10 hot der melech gezogt: vos ker ich zich on mit aich, zin fun Tseruyahn? oib er shilt, iz dos vail Hashem hot im geheisn: shilt Dovidn; un ver ken zogn: far vos tustu azoi?

11 un Dovid hot gezogt tsu Avishaien un tsu ale zaine knecht: ze, main zun vos iz arois fun maine ingeveid zucht main lebn, haint vi shoin atsund der Binyaminer? lozt im, un zol er shiltn, vorem Hashem hot im geheisn. 12 efsher vet Hashem zen main oig, un Hashem vet mir umkeren guts far zain klole haintikn tog.

13 un Dovid un zaine mentshn zainen gegangen oifn veg, un Shimei iz gegangen baim zait barg akegn im, gegangen un gesholtn, un gevorfn mit shteiner akegn im, un geshotn mit shtoib.

14 un der melech un dos gantse folk vos mit im zainen ongekumen mide; un er hot zich opgerut dortn.

15 un Avshalom un dos gantse folk, di mener fun Yisroel, zainen ongekumen kein Yerushalayim, un Achitofel mit im.

16 un es iz geven, az Chushai der Arki, Dovids guter fraint, iz gekumen tsu Avshalomen, hot Chushai gezogt tsu Avshalomen: lebn zol der melech! lebn zol der melech! 17 hot Avshalom gezogt tsu Chushaien: iz dos dain gintsikeit tsu dain gutn fraint? far vos bistu nisht gegangen mit dain gutn fraint? 18 hot Chushai gezogt tsu Avshalomen: nein! naiert vemen Hashem un dos dozike folk un ale mener fun Yisroel hobn oisderveilt, tsu im geher ich, un mit im vil ich blaibn. 19 un tsveitns, vemen vel ich dinen? doch bai zain zun; azoi vi ich hob gedint bai dain foter, azoi vel ich zain bai dir.

20 un Avshalom hot gezogt tsu Achitofeln: git aier eitse vos mir zoln ton. 21 hot Achitofel gezogt tsu Avshalomen: kum tsu di kepsvaiber fun dain foter, vos er hot gelozn tsu hitn dos hoiz. un az gants Yisroel vet hern, az du host zich farmiust bai dain foter, azoi veln shtark vern di hent fun ale vos mit dir.

22 hot men farshpreit a getselt far Avshalomen oifn dach, un Avshalom iz gekumen tsu di kepsvaiber fun zain foter far di oign fun gants Yisroel.

23 un an eitse vos Achitofel hot geeitset, iz in yene teg geven azoi vi a mentsh zol fregn bai dem vort fun HaElokim. azoi iz geven itleche eitse fun Achitofeln sai bai Dovidn sai bai Avshalomen.