1 un es iz geven noch dem, hot Dovid gefregt bai Hashem, azoi tsu zogn: zol ich aroifgein in einer fun di shtet fun Yehudah? hot Hashem tsu im gezogt: gei aroif. hot Dovid gezogt: vuhin zol ich aroifgein? hot er gezogt: kein Chevron.

2 iz Dovid aroifgegangen ahin, un oich zaine tsvei vaiber, Achinoam fun Yizreel, un Avigal di vaib fun Navaln fun Karmel. 3 un zaine mentshn vos mit im hot Dovid aroifgebracht, itlecher mit zain hoizgezint; un zei hobn zich bazetst in di shtet fun Chevron. 4 un di mener fun Yehudah zainen gekumen, un hobn dortn gezalbt Dovidn far a melech iber dem hoiz fun Yehudah.

hot men dertseilt Dovidn, azoi tsu zogn: di mentshn fun Yavesh-Gilad zainen di vos hobn bagrobn Shauln. 5 hot Dovid geshikt shluchim tsu di mentshn fun Yavesh-Gilad, un zei gelozt zogn: gebentsht zolt ir zain fun Hashem, vos ir hot geton dem dozikn chesed mit aier har, mit Shauln, un hot im bagrobn. 6 un atsund, zol Hashem ton mit aich chesed un traishaft; un oich ich vel aich opton di dozike toive, vos ir hot geton di dozike zach. 7 un atsund, zoln shtark zain aiere hent, un zait heldishe yungen; vorem aier har Shaul iz toit, un oich hot mich dos hoiz fun Yehudah gezalbt far a melech iber zei.

8 un Avner der zun fun Neren, der cheil-lider fun Shauln, hot genumen Ish-Boshet dem zun fun Shauln, un hot im aribergefirt kein Machanayim. 9 un er hot im gemacht far a melech iber Gilad, un iber dem Ashuri, un iber Yizreel un iber Efrayim, un iber Binyamin, un iber gants Yisroel.

10 fertsik yor iz alt geven Ish-Boshet der zun fun Shauln, az er iz gevorn melech iber Yisroel, un tsvei yor hot er gekinigt. ober dos hoiz fun Yehudah iz geven hinter Dovidn. 11 un di tsol fun di teg vos Dovid iz geven melech in Chevron iber dem hoiz fun Yehudah, iz geven zibn yor un zeks chodeshim.

12 un Avner der zun fun Neren, un di knecht fun Ish-Boshet dem zun fun Shauln, zainen aroisgegangen fun Machanayim kein Givon. 13 oich Yoav der zun fun Tseruyahn, un di knecht fun Dovidn, zainen aroisgegangen, un zei hobn zich tsunoifgetrofn mit zei in einem baim taich fun Givon, un di hobn zich gezetst fun der zait taich, un di fun yener zait taich. 14 un Avner hot gezogt tsu Yoavn: zoln akorsht di yungen oifshtein, un a shtif ton far undz. hot Yoav gezogt: zoln zei oifshtein.

15 zainen zei oifgeshtanen, un zainen aribergegangen mit a tsol, tsvelf far Binyamin, un far Ish-Boshet dem zun fun Shauln, un tsvelf fun Dovids knecht. 16 un zei hobn ongenumen einer dem andern faran kop, mit zain shverd tsum anderns zait, biz zei zainen gefaln in einem. un me hot gerufn yenem ort Chelkat-Hatsurim, vos iz Givon.

17 un di milchome iz geven zeyer a shvere in yenem tog, un Avner un di mener fun Yisroel zainen geshlogn gevorn far di knecht fun Dovidn.

18 un dortn zainen geven Tseruyahs drai zin, Yoav, un Avishai un Asahel; un Asahel iz geven flink oif zaine fis, azoi vi einer fun di hindn vos in feld. 19 hot Asahel nochgeyogt Avnern, un er hot zich nisht opgeneigt fun hinter Avnern tsu gein rechts oder links. 20 hot Avner zich umgekert hinter zich, un hot gezogt: bist du dos, Asahel? hot er gezogt: ich. 21 hot Avner tsu im gezogt: ker zich tsu dain rechter zait oder tsu dain linker, un chap dir on einem fun di yungen, un nem dir zain gever. ober Asahel hot zich nisht gevolt opkeren fun hinter im. 22 hot Avner vider gezogt tsu Asaheln: ker dich op fun hinter mir; noch vos zol ich dich shlogn tsu der erd? un vi vel ich oifheibn main ponem tsu dain bruder Yoavn? 23 ober er hot zich nisht gevolt opkeren, un Avner hot im a zets geton mitn untershtn teil fun shpiz in boich, biz der shpiz iz im arois fun hintn; un er iz dortn gefaln un geshtorbn oifn ort. un es iz geven, itlecher vos iz gekumen tsu dem ort vos Asahel iz dortn gefaln un geshtorbn, hot zich opgeshtelt.

24 hobn Yoav un Avishai nochgeyogt Avnern, un vi di zun iz untergegangen, zainen zei gekumen bizn bergel Amah vos far Giach, oifn veg tsum midber fun Givon. 25 un di kinder fun Binyamin hobn zich aingezamlt hinter Avnern, un zei zainen gevorn tsu ein bund; un zei hobn zich geshtelt oifn shpits fun a bergel.

26 hot Avner gerufn tsu Yoavn, un hot gezogt: zol den eibik fartseren di shverd? veistu den nisht az biter vet zain tsum sof? un biz vanen vestu nisht heisn dem folk zich umkeren fun hinter zeyere brider? 27 hot Yoav gezogt: azoi vi HaElokim lebt, az ven du volst nisht geredt, volt ersht in der peire dos folk opgetretn einer fun hintern andern.

28 un Yoav hot geblozn in shoifer, un dos gantse folk hot zich opgeshtelt, un zei hobn mer nisht nochgeyogt Yisroel, un hobn mer vaiter nisht milchome gehaltn.

29 un Avner un zaine mentshn zainen gegangen durchn ploin yene gantse nacht, un zei zainen ariber dem Yarden, un durchgegangen gants bitrun, un gekumen kein Machanayim.

30 un Yoav hot zich umgekert fun hinter Avnern, un er hot aingezamlt dos gantse folk; hobn gefelt fun Dovids knecht naintsn man un Asahel. 31 un Dovids knecht hobn geshlogn fun Binyamin, tsvishn Avners mentshn – drai hundert un zechtsik man zainen geblibn toit.

32 un Asaheln hobn zei avekgetrogen, un hobn im bagrobn in keyver fun zain foter vos in Beis-Lechem. un Yoav un zaine mentshn zainen gegangen a gantse nacht, un zei iz lichtik gevorn in Chevron.