1 un Hashem hot geredt tsu Mosheen, azoi tsu zogn: 2 red tsu di kinder fun Yisroel, zei zoln zich umkeren, un ruen far Pi-HaChirot, tsvishn Migdol un tsvishn yam, far Baal-TSafon; akegn im zolt ir ruen baim yam. 3 un Pharaoh vet zogn oif di kinder fun Yisroel: zei zainen tsetumlt in land, der midber hot zei aingeshlosn. 4 un ich vel fest machn Pharaohs harts, un er vet zei nochyogn; un ich vel geerlecht vern durch Pharaohn, un durch zain gantsn cheil, un di Mitsrayim veln visen, az ich bin Hashem.

un zei hobn azoi geton.

5 iz ongezogt gevorn dem melech fun Mitsrayim, az dos folk iz antlofn, un dos harts fun Pharaohn un fun zaine knecht iz farkert gevorn akegn dem folk, un zei hobn gezogt: vos hobn mir do geton, vos mir hobn avekgelozn Yisroel fun undz tsu dinen? 6 hot er aingeshpant zain raitvogn, un hot genumen mit zich zain folk. 7 un er hot mitgenumen zeks hundert geklibene raitvegn, un ale raitvegn fun Mitsrayim, un eltste iber zei ale. 8 un Hashem hot fest gemacht dos harts fun Pharaoh dem melech fun Mitsrayim, un er hot nochgeyogt di kinder fun Yisroel; un di kinder fun Yisroel zainen aroisgegangen mit a hoicher hant. 9 un di Mitsrayim hobn zei nochgeyogt, ale ferd, di raitvegn fun Pharaohn, un zaine raiter, un zain cheil, un zei hobn zei ongeyogt vi zei hobn gerut baim yam, bai Pi-HaChirot, far Baal-TSafon. 10 un vi Pharaoh hot zich dernentert, azoi hobn di kinder fun Yisroel oifgehoibn zeyere oign, ersht di Mitsrayim tsien hinter zei, un zei hobn zeyer moire gehat; un di kinder fun Yisroel hobn geshrien tsu Hashem. 11 un zei hobn gezogt tsu Mosheen: tsi vail kein kvorim zainen nishto in Mitsrayim, hostu undz aroisgenumen tsu shtarbn in der midber? vos hostu do geton tsu undz, undz aroistsutsien fun Mitsrayim? 12 iz dos nisht dos vort vos mir hobn geredt tsu dir in Mitsrayim, azoi tsu zogn: tu zich op fun undz, un lomir dinen Mitsrayim? vorem beser far undz tsu dinen Mitsrayim, eider mir zoln shtarbn in der midber. 13 hot Moshe gezogt tsum folk: ir zolt nisht moire hobn; shteit un zet di yeshue fun Hashem vos er vet aich haint ton; vorem vi ir zet haint di Mitsrayim, vet ir zei oif eibik mer vider nisht onzen. 14 Hashem vet milchome haltn far aich, un ir vet shtein shtil.

15 un Hashem hot gezogt tsu Mosheen: vos shraistu tsu mir? red tsu di kinder fun Yisroel, zei zoln tsien. 16 un du heib oif dain shtekn, un shtrek ois dain hant oifn yam, un shpalt yam, un di kinder fun Yisroel veln arain in mitn yam oif trikenish. 17 un ich, ze, ich mach fest dos harts fun di Mitsrayim, un zei veln arain noch zei; un ich vel geerlecht vern durch Pharaohn, un durch zain gantsn cheil, durch zaine raitvegn, un durch zaine raiter. 18 un di Mitsrayim veln visen az ich bin Hashem, ven ich vel geerlecht durch Pharaohn, durch zaine raitvegn, un durch zaine raiter.

19 un der malach fun HaElokim vos iz gegangen far der machne fun Yisroel, hot avekgetsoign un iz gegangen fun hinter zei; un der volken-zail hot avekgetsoign fun far zei, un hot zich geshtelt hinter zei; 20 un er iz gekumen tsvishn der machne fun Mitsrayim, un tsvishn der machne fun Yisroel; un dortn iz geven der volken un di fintsternish un do hot er baluchtn di nacht; un eine hot nisht genent tsu der anderer di gantse nacht. 21 un Moshe hot oisgeshtrekt zain hant oifn yam, un Hashem hot getribn dem yam mit a shtarkn mizrech-vint a gantse nacht, un gemacht dem yam far a trikenish, un di vasern hobn zich tseshpolten. 22 un di kinder fun Yisroel zainen araingegangen in mitn yam oif trikenish; un di vasern zainen zei geven a moier fun zeyer rechter zait un fun zeyer linker. 23 un di Mitsrayim hobn nochgeyogt, un ale ferd fun Pharaohn, zaine raitvegn, un zaine raiter, zainen arain noch zei in mitn yam. 24 un es iz geven in der frimorgnvach, hot Hashem aropgekukt oif der machne fun Mitsrayim mit a zail fun faier un volken, un er hot fartumlt di machne fun Mitsrayim. 25 un er hot opgeton di reder fun zeyere raitvegn, un zei gemacht forn mit shverikeit, un di Mitsrayim hobn gezogt: lomir antloifn fun Yisroel, vorem Hashem halt milchome far zei mit Mitsrayim.

26 un Hashem hot gezogt tsu Mosheen: shtrek ois dain hant oifn yam, un zoln di vasern zich umkeren oif di Mitsrayim, oif zeyere raitvegn, un oif zeyere raiter. 27 hot Moshe oisgeshtrekt zain hant oifn yam, un der yam hot zich umgekert akegn frimorgn tsu zain shtarkeit, un di Mitsrayim zainen im ongelofn antkegen; un Hashem hot araingetreislt di Mitsrayim in mitn yam. 28 un di vasern hobn zich umgekert, un hobn tsugedekt di raitvegn, un di raiter – dem gantsn cheil fun Pharaohn, vos iz arain noch zei in yam; nisht geblibn fun zei tsu mol an eintsiker. 29 un di kinder fun Yisroel zainen gegangen in mitn yam oif trikenish un di vasern zainen zei geven a moier fun zeyer rechter zait un fun zeyer linker. 30 un Hashem hot in yenem tog geholfn Yisroel fun der hant fun Mitsrayim, un Yisroel hot gezen di Mitsrayim toit oifn breg fun yam. 31 un Yisroel hot gezen di groise shtarkeit vos Hashem hot geton akegn Mitsrayim, un dos folk hot moire gehat far Hashem, un zei hobn gegloibt in Hashem, un in zain knecht Mosheen.