1 un Hashem hot gezogt tsu Mosheen: hak dir ois tsvei shteinerne luches azoi vi di ershte, un ich vel oifshraibn oif di luches di verter vos zainen geven oif di ershte luches, vos du host tsebrochn. 2 un zai ongebreit in der peire, un gei aroif in der peire oifn barg Sinai, un shtel zich far mir dortn oifn shpits barg. 3 un kein mentsh zol nisht aroifgein mit dir, un kein mentsh zol oich nisht gezen vern oifn gantsn barg; afile di shof un di rinder zoln zich nisht fitern akegn yenem barg.

4 hot er oisgehakt tsvei shteinerne luches azoi vi di ershte; un Moshe hot zich gefedert in der peire, un iz aroifgegangen oifn barg Sinai, azoi vi Hashem hot im bafoiln, un er hot genumen in zain hant di tsvei shteinerne luches. 5 un Hashem hot aropgenidert in dem volken; un er hot zich geshtelt mit im dortn; un er hot gerufn dem nomen Hashem. 6 un Hashem iz farbaigegangen far zain ponem, un hot oisgerufn: Hashem, Hashem iz a derbaremdiker un laitzeliker El, aingehaltn in tsorn, un raich in genod un vorheit; 7 er halt genod bizn toizntstn glid, er fartrogt zind un farbrechn un chatoim; nor er lozt nisht frai, er vet zicher nisht lozn di shuldike umbashtroft; er rechnt zich far di zind fun di foters, mit di kinder, un mit di kinds-kinder, mitn dritn un mitn firtn dor.

8 hot Moshe zich geneigt oif gich tsu der erd, un zich gebukt. 9 un er hot gezogt: oib, ich bet dich, ich hob gefunen chein in daine oign, Adonoi, zol, ich bet dich, Adonoi gein tsvishn undz, vorem a hartnekik folk iz dos; un zolst fargebn undzer zind un undzer chet, un undz machn far dain arav.

10 hot er gezogt: ze, ich farshnaidn a bund; antkegen far dain gantsn folk vel ich ton vunder vos zainen nisht bashafn gevorn oif der gantser erd, un tsvishn ale umes; un dos gantse folk, vos du bist tsvishn im, vet zen di tuung fun Hashem vos ich tu mit dir, az zi iz forchtik. 11 hit dir vos ich bafel dir haint; ze, ich fartraib fun far dir dem Emori, un dem Kenaani, un dem Chitti, un dem Perizzi, un dem Chivi, un dem Yevusi. 12 hit zich, zolst nisht shlisn a bris mitn bavoiner fun dem land vos du kumst deroif, kedei er zol nisht zain far a shtroichlung tsvishn dir. 13 naiert zeyere mizbeyches zolt ir tseshtoisn, un zeyere zailshteiner zolt ir tsebrechn, un zeyere getsnbeimer zolt ir ophakn. 14 vorem torst zich nisht bukn tsu an ander G-t, vail Hashem – zain nomen iz Kanna, an El Kanno iz er, 15 tomer vestu shlisn a bris mitn di bavoiner fun land, un zei veln zain farfirt noch zeyere g‑ter, un shlachtn tsu zeyere g‑ter, veln zei dich rufn, un vest esen fun zeyer shlachtopfer; 16 un vest nemen fun zeyere techter far daine zin, un zeyere techter veln zain farfirt noch zeyere g‑ter, un veln farfiren daine zin noch zeyere g‑ter. 17 kein gegosene g‑ter zolstu dir nisht machn.

18 dem yom-tov fun matsus zolstu hitn: zibn teg zolstu esen matsus, azoi vi ich hob dir bafoiln, in der geshtelter tsait in choidesh oviv, vorem in choidesh oviv bistu aroisgegangen fun Mitsrayim.

19 itlecher vos efent dem tracht gehert tsu mir; un fun dain gantsn fich zolstu heilikn dem zocher, dem ershtling fun oks un sheps. 20 un dem ershtling fun an eizl zolstu oisleizen mit a sheps; un oib du vest nisht oisleizen, zolstu im ophakn dos genik. yetveder bechor fun daine zin zolstu oisleizen. un me zol zich nisht vaizn far mir mit leidikn.

21 zeks teg zolstu arbeten, un oifn zibetn tog zolstu ruen; afile in akertsait un in shnittsait zolstu ruen.

22 un dem yom-tov fun shvues zolstu dir machn, bai di ershttsaitike fun veitsshnit; un dem yom-tov fun ainzamlung baim umdrei fun yor.

23 drai mol in yor zoln ale daine mansparshoinen zich vaizn far dem har Hashem, Elokei Yisroel. 24 vorem ich vel faryogn di felker fun far dir, un vel derbreitern dain gemark; un keiner vet nisht glustn dain land, ven du geist aroif zich vaizn far Hashem dain G-t drai mol in yor.

25 zolst nisht makrev zain mit chomets dos blut fun main shlachtopfer, un dos shlachtopfer fun dem yom-tov fun Pesach zol nisht ibernechtikn biz in der peire.

26 di ershte frucht fun dain land zolstu brengen in hoiz fun Hashem dain G-t. zolst nisht kochn a tsikele in zain muters milch.

27 un Hashem hot gezogt tsu Mosheen: shraib dir oif di dozike verter, vorem loit di dozike verter hob ich farshnaidn a bund mit dir un mit Yisroel. 28 un er iz dortn geven mit Hashem fertsik teg un fertsik necht; kein broit hot er nisht gegesn, un kein vaser hot er nisht getrunken. un er hot oifgeshribn oif di luches di verter fun dem bris, di tsen gebot.

29 un es iz geven, az Moshe hot aropgenidert fun barg Sinai – un di tsvei luches fun tseignim zainen geven in Moshes hant, ven er hot aropgenidert fun barg – hot Moshe nisht gevust, az di hoit fun zain ponem hot geshtralt fun zain redn mit im. 30 un Aharon un ale kinder fun Yisroel hobn gezen Mosheen, ersht di hoit fun zain ponem shtralt, un zei hobn moire gehat tsu genenen tsu im. 31 hot zei Moshe tsugerufn, un Aharon, un ale firshtn fun der eide hobn zich umgekert tsu im, un Moshe hot tsu zei geredt. 32 un dernoch hobn genent ale kinder fun Yisroel, un er hot zei bafoiln alts vos Hashem hot mit im geredt oifn barg Sinai.

33 un vi Moshe hot geendikt redn mit zei, hot er ongeton oif zain ponem a tsudek. 34 un az Moshe iz gekumen far Hashem tsu redn mit im, flegt er opton dem tsudek biz zain aroisgein; un er flegt aroisgein un redn tsu di kinder fun Yisroel dos vos er iz bafoiln gevorn. 35 un di kinder fun Yisroel flegn zen dem ponem fun Mosheen, az di hoit fun Moshes ponem shtralt; un Moshe flegt vider onton dem tsudek oif zain ponem, biz er iz araingegangen tsu redn mit im.