1 un du mach genenen tsu dir dain bruder Aharonen, un zaine zin mit im, fun tsvishn di kinder fun Yisroel, kedei zei zoln zain koyanim tsu mir; Aharon, Nadav, un Avihu, Elazar, un Itamar, Aharons zin. 2 un zolst machn dain bruder Aharonen heilike kleider far a koved un far a sheinkeit. 3 un du zolst redn tsu ale klughartsike, vos ich hob zei ongefilt mit a ruach fun chochme, zei zoln machn di kleider far Aharonen, kedei im tsu heilikn az er zol zain a koyen tsu mir.

4 un dos zainen di kleider, vos zei zoln machn: a choshen, un an ephod, un a meil, un a gekestlt mantl, a mitsnefes, un an avneit; un zei zoln machn heilike kleider far dain bruder Aharonen un far zaine zin, kedei zei zoln zain koyanim tsu mir. 5 un zei zoln nemen dos gold, un di bloe vol, un dem purpl, un dos vermilroit, un dem lainen.

6 un zei zoln machn dem ephod fun gold, bloer vol, un purpl, vermilroit, un gedraitn lainen, kuntsik oisgearbet. 7 tsvei akslbender zol er hobn, baheft tsu zaine tsvei ekn, kedei er zol zain baheft. 8 un der gartlband vos oif im, zol zain azoi vi zain arbet, fun im gufe; fun gold, bloer vol, un purpl, un vermilroit, un gedraitn lainen. 9 un zolst nemen tsvei oniklshteiner, un oiskritsn oif zei di nemen fun di kinder fun Yisroel; 10 zeks fun zeyere nemen oif ein shtein, un di iberike zeks nemen oifn tsveitn shtein, loit zeyere geburtn.

11 vi arbet fun a shteinshnaider, vi oiskritsungen fun a zigl, zolstu oiskritsn di tsvei shteiner loit di nemen fun di kinder fun Yisroel; aingeramt in ainfasungen fun gold zolstu zei machn. 12 un zolst aroifton di tsvei shteiner oif di akslbender fun ifod – shteiner fun dermonung far di kinder fun Yisroel; un Aharon zol trogn zeyere nemen far Hashem oif zaine tsvei akslen far a dermonung. 13 un zolst machn ainfasungen fun gold; 14 un tsvei keitn fun reinem gold; gedreit zolstu zei machn, flechtarbet; un zolst aroifton di geflochtene keitn oif di ainfasungen.

15 un zolst machn a choshen fun basheid, kuntsik oisgearbet; azoi vi di arbet fun ephod zolstu im machn: fun gold, bloer vol, un purpl, un vermilroit, un gedraitn lainen, zolstu im machn. 16 firekechdik zol er zain, getoplt, a shpan zain leng, un a shpan zain breit. 17 un zolst arainzetsn in im an ainzetsung fun shteiner, fir tseiln shteiner, a tseil fun rubin, tafaz, un shmorak, ein tseil; 18 un di tsveite tseil: garfunkl, sapirshtein, un diment; 19 un di drite tseil: yachtsum, agat, un ametist; 20 un di firte tseil: goldshtein, un onikl, un yashpiz; aingezetst in gold zoln zei zain in zeyere ainfasungen. 21 un di shteiner zoln zain loit di nemen fun di kinder fun Yisroel, tsvelf, loit zeyere nemen; vi oiskritsungen fun a zigl, itlecher loit zain nomen zoln zei zain, akegn di tsvelf shvotim.

22 un zolst machn oifn choshen gedreite keitn, flechtarbet, fun reinem gold. 23 un zolst machn tsum choshen tsvei gilderne ringen, un aroifton di tsvei ringen oif di tsvei ekn fun choshen. 24 un zolst arainton di tsvei gilderne flechtn in di tsvei ringen bai di ekn fun choshen. 25 un di tsvei ekn fun di tsvei flechtn zolstu aroifton oif di tsvei ainfasungen, un aroifton oif di akslbender fun ifod, oif zain foderzait. 26 un zolst machn tsvei gilderne ringen, un zei aroifzetsn oif di tsvei ekn fun choshen bai zain zoim vos tsu der zait fun ephod, ineveinik tsu. 27 un zolst machn tsvei gilderne ringen, un zei aroifton oif di tsvei akslbender fun ifod, fun unten, oif zain foderzait, lebn zain baheftung, iber dem chesheb fun ephod. 28 un me zol tsushnirn dem choshen durch zaine ringen tsu di ringen fun ephod mit a shnur fun bloer vol, kedei er zol zain oif dem chesheb fun ephod, un der choshen zol zich nisht aroprukn fun ephod. 29 un Aharon zol trogn di nemen fun di kinder fun Yisroel in dem choshen fun basheid oif zain hartsn, ven er kumt in heiliktum, far a dermonung far Hashem tamid. 30 un zolst arainton in dem choshen fun basheid di Urim-utumim, un zei zoln zain bai Aharonen oifn hartsn, ven er kumt far Hashem; un Aharon zol trogn dem basheid fun di kinder fun Yisroel oif zain hartsn far Hashem tamid.

31 un zolst machn dem meil fun ephod fun loiter bloer vol. 32 un zain efenung faran kop zol zain in zain mitn; a zoim zol zain bai zain efenung rund arum, vebarbet; azoi vi di efenung fun a pantserhemd zol zain bai im, er zol zich nisht tseraisn. 33 un zolst machn oif zaine bregn milgroimen fun bloer vol, un purpl, un vermilroit, oif zaine bregn rund arum, un gilderne gleklech tsvishn zei rund arum; 34 a gildern glekl un a milgroim, a gildern glekl un a milgroim, oif di bregn fun dem meil rund arum. 35 un es zol zain oif Aharonen baim dinen, un der kol derfun zol zich hern ven er kumt arain in heiliktum far Hashem, un ven er geit arois, kedei er zol nisht shtarbn.

36 un zolst machn a shternblech fun reinem gold, un oiskritsn oif im vi oiskritsungen fun a zigl heilik tsu Hashem. 37 un zolst es aroifton oif a shnur fun bloer vol, un es zol zain oif der mitsnefes; oif der foderzait fun der mitsnefes zol es zain. 38 un es zol zain oif Aharons shtern, un Aharon zol nemen oif zich di zind akegn di heilike zachn, vos di kinder fun Yisroel heilikn, bai ale zeyere heilike gobn; un es zol zain oif zain shtern tamid, kedei zei zoln bavilikt vern far Hashem.

39 un zolst machn dos mantl gekestlt, fun lainen; un zolst machn a mitsnefes fun lainen; un a avneit zolstu machn, geshtikte arbet. 40 un Aharons zin zolstu machn mantlen; un zolst zei machn gartelen; un hitlen zolstu zei machn far a koved un far a sheinkeit. 41 un zolst zei onton dain bruder Aharonen un zaine zin mit im; un zolst zei zalbn , un derfiln zeyer hant, un zei heilikn, az zei zoln zain koyanim tsu mir. 42 un mach zei lainene hoizn tsu fardekn dos shandfleish; fun di lendn un biz di dichn zoln zei zain. 43 un zei zoln zain oif Aharonen un zaine zin, ven zei kumen in ohel-moed, oder ven zei genenen tsum mizbeyech, tsu dinen in heiliktum; kedei zei zoln nisht trogn a zind un shtarbn; an eibik gezets far im un far zain zomen noch im.