1 un Hashem hot geredt tsu Mosheen: kum, gei aroif fun danen, du un dos folk vos du host oifgebracht fun land Mitsrayim, tsu dem land vos ich hob geshvorn tsu Avrahamen, tsu Yitschakn, un tsu Yaakovn, azoi tsu zogn: tsu dain zomen vel ich es gebn – 2 un ich vel shikn dir farois a malach, un vel fartraiben dem Kenaani, dem Emori, un dem Chitti, un dem Perizzi, dem Chivi, un dem Yevusi – 3 tsu a land vos flist mit milch un honik – vorem ich vel nisht aroifgein tsvishn dir, vail a hartnekik folk bistu; ich ken dich noch farlendn oifn veg.

4 hot dos folk gehert dem dozikn shlechtn onzog, un zei hobn getroiert, un hobn keiner nisht ongeton zain tsirung oif zich. 5 un Hashem hot gezogt tsu Mosheen: zog tsu di kinder fun Yisroel: ir zait a hartnekik folk; ein rege ven ich zol aroifgein tsvishn dir, vel ich dich farlendn. un atsund nem arop dain tsirung fun zich, un ich vel batrachtn, vos ich zol ton tsu dir. 6 hobn di kinder fun Yisroel zich oisgeton zeyer tsirung fun barg Chorev on.

7 un Moshe flegt nemen dos getselt, un flegt es zich oifshteln oisn lager, vait fun lager, un flegt es rufn ohel-moed. un es iz geven, itlecher vos hot gezucht Hashem, flegt aroisgein tsum ohel-moed vos oisn lager. 8 un es iz geven, vi Moshe iz aroisgegangen tsum getselt, azoi flegt dos gantse folk zich oifshteln, un shtein itlecher in aingang fun zain getselt, un nochkukn Mosheen, biz er geit arain in getselt. 9 un es iz geven, vi Moshe iz araingegangen in getselt, flegt aropnideren der volken-zail, un shtein baim aingang fun getselt, un Hashem flegt redn mit Mosheen. 10 un dos gantse folk flegt zen dem volken-zail shtein baim aingang fun getselt, un dos gantse folk flegt oifshtein, un zich bukn itlecher baim aingang fun zain getselt.

11 un Hashem flegt redn tsu Mosheen ponem el ponem, azoi vi a mentsh redt tsu zain chever. un er flegt zich umkeren in lager, ober zain badiner Yehoshua der zun fun Nun, a yungerman, flegt nisht optretn fun getselt.

12 un Moshe hot gezogt tsu Hashem: ze, du zogst tsu mir: breng oif dos dozike folk, ober du host mich nisht gelozt visen, vemen du vest shikn mit mir. du host doch gezogt: ich hob dich derkent mitn nomen, un host oich gefunen chein in maine oign. 13 un atsund, oib, ich bet dich, ich hob gefunen chein in daine oign, loz mich visen, ich bet dich, daine vegen, az ich zol dich kenen, kedei ich zol gefinen chein in daine oign; un ze az dos dozike folk iz doch dain folk.

14 hot er gezogt: main ponem vet mitgein, un ich vel dich baruyen.

15 hot er tsu im gezogt: oib dain ponem geit nisht mit undz, zolstu undz nisht oifbrengen fun danen. 16 vorem mit vos den zol derkent vern, az ich hob gefunen chein in daine oign, ich un dain folk, oib nisht durch dain gein mit undz, az mir zoln opgezundert zain, ich un dain folk, fun alem folk vos oifn gezicht fun der erd?

17 hot Hashem gezogt tsu Mosheen: oich di dozike zach vos du host gezogt, vel ich ton, vail du host gefunen chein in maine oign, un ich hob dich derkent mitn nomen.

18 hot er gezogt: loz mich zen dain pracht, ich bet dich.

19 hot er gezogt: ich vel machn farbaigein al main gutskeit far dain ponem, un ich vel oisrufn far dir dem nomen Hashem; un ich vel laitzelikn vemen ich vel laitzelikn, un vel derbaremen vemen ich vel derbaremen. 20 un er hot gezogt: kenst nisht zen main ponem, vorem a mentsh ken mich nisht zen un blaibn lebn. 21 un Hashem hot gezogt: on iz an ort bai mir; zolstu zich shteln oifn feldz. 22 un es vet zain, ven main pracht geit farbai, vel ich dich arainton in a shpalt fun dem feldz, un ich vel aroifdekn main hant oif dir, biz ich vel farbaigein. 23 un az ich vel opton main hant, vestu zen main rukn; ober main ponem ken nisht gezen vern.