1 un tsu Mosheen hot er gezogt: gei aroif tsu Hashem, du, un Aharon, Nadav, un Avihu, un zibetsik fun di eltste fun Yisroel, un ir zolt zich bukn fun der vaitn. 2 un Moshe alein zol genenen tsu Hashem; ober zei zoln nisht genenen. un dos folk zol nisht aroifgein mit im.

3 iz Moshe gekumen, un hot dertseilt dem folk ale verter fun Hashem, un ale gezetsn; un dos gantse folk hot geentfert mit ein kol, un gezogt: ale verter vos Hashem hot geredt veln mir ton.

4 un Moshe hot farshribn ale verter fun Hashem, un er hot zich gefedert in der peire, un hot geboit a mizbeyech untern barg, un tsvelf zailshteiner akegn di tsvelf shvotim fun Yisroel. 5 un er hot geshikt di yunge lait fun di kinder fun Yisroel, un zei hobn oifgebracht brandopfer un geshlacht oksen fridopfer tsu Hashem. 6 un Moshe hot genumen helft fun dem blut, un araingeton in bekns, un helft fun dem blut hot er geshprengt oifn mizbeyech. 7 un er hot genumen dos buch fun bris, un geleyent in di oiern fun folk; un zei hobn gezogt: alts vos Hashem hot geredt veln mir ton un gehorchn. 8 un Moshe hot genumen dos blut, un hot geshprengt oifn folk, un hot gezogt: ot iz dos blut fun dem bris vos Hashem hot gemacht mit aich oif ale di dozike verter.

9 un Moshe, un Aharon, Nadav, un Avihu, un zibetsik fun di eltste fun Yisroel, zainen aroifgegangen; 10 un zei hobn gezen dem Elokei Yisroel; un unter zaine fis iz geven azoi vi a flasterverk fun sapirshtein, un azoi vi der himel alein in loiterkeit. 11 un oif di adllait fun di kinder fun Yisroel hot er nisht oisgeshtrekt zain hant; un zei hobn gezen HaElokim, un hobn gegesn un getrunken.

12 un Hashem hot gezogt tsu Mosheen: kum aroif tsu mir oifn barg, un zai dortn, un ich vel dir gebn di shteinerne luches mit der toyre un dem gebot vos ich hob oifgeshribn zei tsu lernen.

13 iz oifgeshtanen Moshe, un zain badiner Yehoshua, un Moshe iz aroifgegangen oifn barg fun HaElokim. 14 un tsu di eltste hot er gezogt: hart do oif undz, biz vanen mir veln zich umkeren tsu aich. un ot zainen Aharon un Chur mit aich; ver es hot a mishpot zol genenen tsu zei.

15 un Moshe iz aroifgegangen oifn barg, un der volken hot tsugedekt dem barg. 16 un di pracht fun Hashem hot gerut oifn barg Sinai, un der volken hot im aingedekt zeks teg; un oifn zibetn tog hot er gerufn tsu Mosheen fun volken.

17 un dos oiszen fun Hashems pracht iz geven azoi vi a flamik faier oifn shpits barg, far di oign fun di kinder fun Yisroel. 18 un Moshe iz araingegangen in mitn volken, un iz aroif oifn barg; un Moshe iz geven oifn barg fertsik teg un fertsik necht.