Gênesis 47

7 तत्‌यार युसुफ आह़फा ना बाह ने फीरोन नी अगळ उबो कर्‌यो; अने याकुब फीरोन ने बरकत आप्‌यो। 8 तत्‌यार फीरोन याकुब सी पुछ्‌यो, "तारी उमर केतरी से?"

9 याकुब फीरोन सी केदो, "मे ते एक ह़ोव तीस वरहु परदेसी हय्‌न मारी जीवाय जीव लेदलो से; मारी जीवाय ना दाड़ा थोड़ाक दुख सी बी भरला हता, अने मारा आड़ा-बुड़ा परदेसी हय्‌न जेतरा दाड़ा लग जीवत्‌ला र्‌या तेतरा दाड़ा नो मे बी हजु नी हयो।" 10 अने याकुब फीरोन ने बरकत आपीन तीनी अगळ सी जत र्‌यो। 11 तत्‌यार युसुफ आह़फा ना भायुम ने वहाड़ देदो, अने फीरोन ना हुकम नी अनसारे मीस्‌र देस ना वारु सी वारु जागा मे, मतलब रामसेस नाम ना ह़ेर मे जागो आपीन तीमने ह़ोप देदो। 12 अने युसुफ आह़फा ना बाह नी, अने आह़फा ना भायुम नी, अने बाह ना आखा घोराणा नी, एक-एक ना सोरा सोरी नी गीनती नी अनसारे, खाणु अपाड़ी-अपाड़ीन तीमनु पालन-पोसण करवा बाज ज्‌यो।