8 अळी भगवान नुह अने तीना सोरा ने केदो, 9 "ह़मळो, मे तमारी ह़ाते अने तमारी अळतेण जे तमारी अवल्‌यात हयहे, तीमनी ह़ाते बी वायदो करु। 10 अने आखा जीवत्‌ला जानवरु ह़ाते बी जे तमारी ह़ाते से, ह़ु चड़ा ह़ु पाळला जानवरु, ह़ु धरती ना आखा जंगली जानवरु, धरती ना जेतरा जीव-जन्‌तु मोट्‌लु ढुन्‌ड्यु मे गेथा नीकळला से। 11 अने मे तमारी ह़ाते मारो आहयो वायदो करु के आखा जानवरु अळी मुसळ-धार्‌या पाणी सी खत्‌तम नी हये अने धरती ने खत्‌तम करवा करीन अळी मुसळ-धार्‌यो पाणी नी हये।" 12 अळी भगवान केदो, "जे वायदो मे तमारी ह़ाते, अने जेतरा जीवत्‌ला जानवरु तमारी ह़ाते से तीहया आखाम नी ह़ाते बी हमेसा-हमेसा नी पीड़ी जुगु करु, तीनी आहयी सेलाणी से: 13 के मे वादळा मे मारो बाम मेकलो से, तीहयो मारी अने धरती ना वचमे वायदा नी सेलाणी हयहे।