Аян 20

12 Үлкенді-кішілі өлген адамдардың тақ алдында тұрғандарын байқадым. Кітаптар ашылып, ерекше бір кітап — «Мәңгілік өмірдің кітабы» да ашылды. Өлгендер сол кітаптарда жазылған, өздері тірі кездерінде жасаған істеріне сай сотталып, үкімделді. 13 Теңізде қаза тапқандар да, жалпы, ажалға ұшырап, о дүниеге аттанғандардың бәрі де қайта тірілді.*20:13 Немесе: Сонда теңіз де өзіндегі өлілерді тапсырды, өлім мен о дүние де өздеріндегі өлілерді шығарып берді (Жохан. 5:28-29). Олар өздерінің іс-әрекеттері бойынша сотталды.