1 ଦାଉଦ୍‌ଆଃ ହନ୍‌ ଇସ୍ରାଏଲ୍‌କଆଃ ରାଜା ସୁଲିମାନ୍‌ରାଃ ବୁଗିନ୍‌ ଇନିତୁ କାଜି,

2 ବୁଗିନ୍‌ ଇନିତୁକେ ପାଢ଼ାଅତାନ୍‌ନିଃ ସେଣାଁ ଓଡ଼ୋଃ ଇନିତୁ ନାମେୟା ଓଡ଼ୋଃ କା ଆଟ୍‌କାର୍‌ଉରୁମ୍‌ କାଜିକ ଆଟ୍‌କାର୍‌ଉରୁମ୍‌ ଦାଡ଼ିୟା। 3 ବୁଗିନ୍‌ ଚାଇଲ୍‌ ଚାଲାନ୍‌, ଧାର୍‌ମାନ୍‌, ନ୍ୟାୟ ଓଡ଼ୋଃ ସାର୍‌ତି ବିଚାର୍‌ରେୟାଃ ସେଣାଁଏ ନାମେୟା। 4 କା ସେଣାଁନ୍‌ ହଡ଼କେ ଚିର୍ଗାଲ୍‌ ରିକାଃଏ ଓଡ଼ୋଃ ସେପେଡ଼େଦ୍‌କେ ସେଣାଁ ଏମାଃଏ ଓଡ଼ୋଃ ଆଟ୍‌କାର୍‌ଉରୁମ୍‌ରେୟାଃ ବିବେକ୍‌ ଏମାଃଏ। 5 ଜେ’ଲେକାଚି ସେଣାଁନ୍‌ ହଡ଼ ଏନା ଆୟୁମ୍‌ କେଦ୍‌ତେ ଆଡଃଗି ସେଣାଁ ନାମେୟାଏ ଓଡ଼ୋଃ ବୁଦ୍ଧିମାନ୍‌ ହଡ଼ ବୁଗିନ୍‌ ହରା ଉଦୁବ୍‌ନିଃ ହବାଅଃଆଏ, 6 ଓଡ଼ୋଃ ବୁଗିନ୍‌ ଇନିତୁ କାଜି, ଜନକା କାଜି ଓଡ଼ୋଃ ପାଣ୍ଡିତ୍‌କଆଃ ଉକୁଆକାନ୍‌ କାଜିକ ସାରିଉରୁମ୍‌ ଦାଡ଼ିୟା।

7 ପ୍ରାଭୁକେ ବରତେୟାଃ ସେଣାଁରେୟାଃ ଏନେଟେଦ୍‌ ତାନାଃ, ମେନ୍‌ଦ ଡଣ୍ଡ ହଡ଼ ସେଣାଁ ଓଡ଼ୋଃ ଇନିତୁକେ କାଏ ସୁକୁଆଃ।