Tídibu beibei le tímatimaati
1 Lariñaga Hesusu:
«Au tídibubei beibei le tímatimaatibei; Núguchiti ábunagubarun nadü. 4 Lídanmeme humá aban numa kei lídanñadina lan aban huma. Siñati lagindun aban limu anhein mámañein lubéi luagu ídibu; ítara hiña giñe, siñati hagindun anhein mama lubéi badüleñu hiña nuagu.
5 «Au ídibubei, huguya limu. Ha badüleñutiña nuagu, badüleñu au hawagu, haginduba gibe; ladüga siñati hadügün ni kata anhein díreiñu hiña lubéi nuéi.
7 «Anhaün asigira badüleñu nuagu, mabulieidun humeime le narufudahabei, gayaraabei hamuriahani le habusenrun ani hibihubei.
16 Mama huguya anúadahabalina, au anúadahabalün, ani rúhadina dimurei hun lun hagindun gibe, lun giñe ladurarun hin. Ítara luba líchuguni Núguchi sun le hamuriahan luma lidan niri hun.