21 Aba lariñagun Hesusu tun:
—Afiñebá nun luagu anitebei lan dan lun háhuduragun lun Bungiu mídinga huguya luagun wübü lígita, ni hidin Herusalén. 22 Huguya Samariana, ibidiñeti hun ka lan un háhuduragua; anhein wagía, subudi wamuti ka lan un wáhuduragua ladüga hádangiñe huríu liabin asalbaruni. 23 Lachülürüba oura, ani anihán oura ligía, lun láhudurawaguba lan lun Bungiu lau sífiri luma inarüni, ladüga ítara liña labusenrun Úguchili lun láhudurawagun lun. 24 Sífiri Bungiu; ani ha áhuduragubaña lun, lunti hadügüni lau sun hani sífiri luma hanarün.