21 Ítara kei lásaaragüdüniña Bungiu Úguchili hilaaña lídangiñe óunweni aba líchugun ibagari houn, ítara liña giñe níchugun, au le Bungiu Irahü, ibagari houn ha nabusenrun. 22 Maguseragüdünti Bungiu ni aban, rúrügü lumuti sun ubafu nun, au le Liráü, lun nadügüni, 23 lun sun lan gürigia íchigei ábanmeme inebesei le híchugubei lun Bungiu Úguchili nun. Le míchuti inebesei nun, au le Bungiu Irahü, míchuti giñe inebesei lun Bungiu Úguchili le óunahabalina.