Lirahüñü Bungiu hama lidamun figóu
31 Aba lariñagun Hesusu houn huríu ha afiñeeñabaña luagu:
—Anhaün agunfulira lau nererun, hiábinba lun nani humá disipulugu le tímatimaati. 32 Ábame hasubudiruni inarüni, ábame lesefurunün inarüni.
33 Aba hariñagun lun:
—Ladügawagun Abüraámü wagía, ani meredegidiwa idamunime ni ka un. Ida liñati bariñagunbei luagu wesefuruba lan?
39 Aba hariñagun lun:
—Abüraámü wáguchibei.
Aba lariñagun Hesusu houn:
—Lun hamuga inarüni lan luagu lirahüñü humá Abüraámü, hadügüñein hamuga le ladügübei. 41 Lememe ladügübei húguchi, ligía hadügübei.
Ábati hariñagun lun:
—Mámatia wagía bástadi; ábanrügüñein wáguchi, Bungiu.
42 Aba lariñagun Hesusu houn:
—Anhein hamuga Bungiu lubéi húguchibei, hínsiñetina hamuga hun, ladüga lúmagiñe Bungiu niabin, ani anaha ya. Mama lau nani nungua niabin, Bungiu óunahabalina. 44 Mafia húguchibei; lánigu huguya, ani busentün hadügüni lugundan. Gáfarahadigubeiñein Mafia lúmagiñe furumiñeti dan. Márügüdünti luéigiñe inarüni, mariñagunti giñe inarüni. Lidan le lariñagun iyeeni ladimurehaña kei ligaburi, ladüga yeeti ani ligía lúguchibei iyeeni.
59 Aba habudahan dübü lun hachamuraguni luagu; aba laramudagun, aba láfuridun ténpulurugugiñe.