Matéu 12

Lúguchu Hesusu hama lamulenu

46 Ñéingili Hesusu adimureha houn gürigia, ligía tiabin lúguchu hau lamulenu. Aba herederun bóugudi, busentiña yebe hadimurehan luma. 47 Aba lariñawagún lun Hesusu:

—Anuhán búguchu hama bamulenu ya bóugudi, busentiña hadimurehan buma.

48 Aba lariñagun Hesusu lun le awisarubalin:

—Ka núguchuboun, ka namulenubaña?

49 Aba larufudun hawagun lani disipulugu, aba lariñagun:

—Añaha núguchubaña, hagía giñe namulenubaña; 50 ladüga furumiñeguarügü le adügüti lugundan Núguchi le siélubei, ligía namulenbei, nitu, núguchu.