Lapurichihan Huan lidan fulasu mageirawati
1 Lidoun dan ligía, aba liabin Huan le abadiseihabei apurichiha lidan fulasu mageirawati, Hudéa; 2 aba lariñagun lidan lapurichihan: «Asaküriha humá, ladüga yarafaali larúeihan Bungiu!»
3 Huan le, ligía le uágubei meha labürüha profeta Isaíasi ítara:
«Aganbúati lumalali aban gürigia agúaraha lidan fulasu mageirawati ítara:
"Aranse humá üma lubá Wabureme,
dará humá üma suruti lubá" ».
4 Lautu lura kameyu ladaüragun Huan; liabin lagürüga liranaagua, gueru; chagagaru léigibaña luma sírudu le áraabuna. 5 Ábaha hayabin uburugugiñe Herusalén, Hudeagiñe luma lubadugiñe duna Hordán aganbei lapurichihan; 6 dántiha le hagufeseruni hafigoun, aba labadiseiruniña lidan duna le gíribei Hordán.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)