Marcos 11

Kotili a Yisu hu Yeruselemi

1 Bu bo baaba bebele na musyenge a Yeruselemi, bebele na mala ma Betefaze na ma Betanya, bo baatoodi hu tsyelo isyelo hi miti mya Olive✝11.1 Mty 21.1; Luk 19.29 . Yisu atsindihi boole mu bayihi ba nde na aleeli bo: 2 «Yenaani hu bula bu buli hu busu bwa benu. Bu benu luukoto mu bwo, benu luumono mwana ibubuuru*11.2 mwana ibubuuru Ibulu hi Yisu haanami ŋa yulu a hyo mu ukoto hu Yeruselemi. baakutalala, hi muutu tso mumosi kini a hatsahili ŋa yulu a hyo ve. Nyangulaani hyo na behelaani me hyo. 3 Tso muutu fuuli benu: "Mu hima benu lili mu uvaanga buuna?" Leelaani nde: "Pfumu bibaayaka na nzala a hyo, ka nde ubwefutala benu hyo ŋaniiŋa, mawasa mo maniima."» 4 Bo baayeni na baamoni mwana ibubuuru ŋa mbadi, ŋa lisaandi, baakutalala bebele na idibuhu hi munywa a nzo. Bo baanyaanguli hyo. 5 Mwana a baatu bakima ba baaba ŋaana, baafuuli bo: «Benu hima lili mu usa? Mu hima benu lili mu unyaangula mwana ibubuuru mo hiniihi?» 6 Bo baakaali we bu Yisu haaleeli bo. Na baasiingisi bo mu uyene. 7 Bo baabitili Yisu mwana ibubuuru. Bo baasuusili biyunga bya bo ŋa yulu a hyo. Na Yisu atsahili ŋa yulu a hyo✝11.7 Zak 9.9 . 8 Baatu ba balahi baayali biyunga bya bo mu nzila, bakima baasuusi mu nzila mangemvu ma bo baakesi mutso matsyehe✝11.8 2Pf 9.13 . 9 Ba baakayene busu na ba baakaduukala Yisu, baakafulaha: «Osana*11.9 Osana Mbindulili ti: «Muyusu huli Nzambi» mu ndaha ya bisu Arameyene.! Nyaha Nzambi asyeme, wu bibaayaka mu uya mu nduhi a Pfumu! 10 Nyaha Nzambi asyeme Ipfumu hi hili mu uya, Ipfumu hya Davidi, taata a bisu! Osana hu hati mayulu✝11.10 Mkg 118.25-26; Mty 21.9!» 11 Na Yisu akoti hu Yeruselemi mu nzo a Nzambi. Bu nde haamani utala byosi bi byaba byadiinga nde, nde ayeni hu Betanya na bayihi bakuumi na boole, mu tooni ati, taangu aba yaaka lala.