Marcos 7

31 Yisu abwemata itaanzi hya Tiilo, na ayafutaha mu nzila a Sidoni hu tsyelo a dyanga la Ngalili. Nde asabuhi itaanzi hya Dekapoli hyoosi.

Yisu miibeeloso ikwa-matswi nga muvinyu mu utoyo

32 Bamiibehele Yisu ikwa-matswi hi hili na muvinyu mu utoyo, na bamiiyayaana nde mu usuusala hyo hoho✝7.32 Mty 9.32; Luk 11.14 . 33 Yisu abiti hyo ŋa muvaanga, lala na koonge, akotisi muutu mo wuuna mileembo mutso matswi, na abeembi limi mu maate ma nde mwakulu Yisu. 34 Titswene, nde asiimbuli miisu hu yulu, asuusi ivuumi na aleeli huli muutu mo: «Efata*7.34 Efataikuma hya mu ndaha yi Irameyene.!» Mbindulili ni ti: «Dibuma!» 35 Masulubete, matswi ma nde maadibumi, limi la nde laanyanguhi na nde akayambila we bu hwafwana. 36 Yisu asinzikebese baatu mu uveleyabisa lo huli pasi muutu. Ka bu nde haakafulala ukebese bo, bo baakasinzafulala utsala musamu. 37 Baatu baaba mu kimuhili yi yaafulala na baakaleele: «Moosi ma nde ali mu uvaanga, mu mbuli mali ma mabwe! Nde bibaayaka mu uyuhasa bikwa-matswi napa utoyese biduka!»