1 Apa nda alabari a limatan o olobo a̱ Nuhu, Shem na̱ Ham na̱ Jafe. Ana o kotoi a̱ba̱jini a̱ mini ɗaɗa a matsaan nle muwun.

2 Muwun mu ugundo ma Jafe ele ɗa: Goma na̱ Mago na̱ Madaya na̱ Java na̱ Tuba na̱ Meshe na̱ Tira. Ele ɗa nkaya ma ama n na n ri na ala e le. 3 Ugundo wa̱ Goma ele ɗa ama a na a̱ da̱na̱i ama a Ashekenaza na aza a Ripahatu na aza a Togarama. 4 Ugundo wa̱ Java ele ɗa ama a na a̱ da̱na̱i ama a Elishaha na aza a Tarshishi na aza a Kitimi na aza a Rodani waru. 5 Ele ɗa nkaya ma aza a na a da̱na̱i a̱ nge'en m mala. Reve a bala uba̱ta̱ biti. Ele nda ele ɗa muwun mu ugundo ma Jafe aza a na a̱ da̱nuyi e iɗa i le, na̱ matsun le ne elentsu e le, suru nle ne elentsu e le.

6 Apa muwun mu ugundo ma Ham: Kush na̱ Mizirayim na̱ Put na̱ Ka'ana. 7 Ugundo wa̱ Kush ele ɗa ama a na a̱ da̱na̱i ama a Seba na aza a Havila na aza a Sabata na aza a Rama na aza a Sabateka waru. Ugundo wa Rama ele ɗa ama a Sheba na aza a Dedan. 8 Kush ɗa matsain Nimro, za na a̱yi ɗa u fara o'woi za vu uvon vu ucira o uvaɗi. 9 A̱yi meten ma gbain ma ɗa a̱ ma̱ka̱ka̱n ma̱ A̱sulazuva. A̱yi ɗa ili i na i zuwai a tsu damma, <<A̱yi tsa Nimro tsa ɗa u ri, meten ma gbain a̱ ma̱ka̱ka̱n ma̱ A̱sulazuva.>> 10 Nu ufaru uba̱ta̱ u tsugono tsa̱ yi tsa ɗa Babila na̱ Ere na̱ Acada na̱ Kalni za na ri e iɗa ya Shina. 11 Diga lo e iɗa i ndolo ɗaɗa u ka̱ra̱i a̱ tyo Asiriya, reve u suwa Niniva na̱ Reho oto Ir na̱ Kala, 12 na̱ Rese, a̱ba̱jini a̱ lyuci a na a̱ ri e memere ma Niniva na̱ Kala. 13 Ugundo wa Masar o'wo ta̱ dada va aza a Ludi na aza a Anamim na aza a Lehabim na aza a Nafutuhim, 14 na aza a Paturosim na aza a Kasuluhim (uba̱ta̱ u na aza a Filistiya o uta̱i,) na aza a Kapahotrim.

15 Mawun mo ufaru ma Ka'ana a̱yi ɗa Sidon, reve waru u matsisan Het. Ele ɗa nkaya ma ama n na n ri na ala e le. 16 Reve waru Ka'ana matsan aza a Jebusiya na aza a Amoriya na aza a Girigashiya, 17 na aza a Hiviya na aza a Arikite na aza a Sinite, 18 na aza a Aravadite na aza a Zamarite na aza a Hamatate. Na̱ a̱ca̱pa̱ a ɗa ugundo wa Ka'ana u bazai uba̱ta̱ suru. 19 Reve utyo wa aza a Ka'ana u fele diga e ilyuci ya Sidon, a̱ tyo Gera hali a̱ tyo Gaza, waru a̱ tyo Sodom na̱ Gomora na̱ Aduma na̱ Zeboyim hali a̱ tyo Lasha. 20 Ele nda ele ɗa ugundo wa Ham, o una̱ wu umatsun oɓolo ne elentsu nu uba̱ta̱ a̱ nden n le ni iɗa i le.

21 A matsaan ta̱ fo Shem zakpara va Jafe muwun. Shem ɗa akaya o ugundo a Ebe suru suru. 22 Apa muwun mu ugundo ma Shem, ele ɗa Elam, na̱ Ashuru, na̱ Arafakashada na̱ Ludu na̱ Aram. 23 Apa muwun mu ugundo ma Aram, ele ɗa aza a Uz na aza a Hulu na aza a Gete waru na aza a Mesheke. 24 Arafakashada matsan ta̱ Shela, reve Shela matsan Eba. 25 A matsaan ta̱ Eba olobo e re. Za vu ufaru a ca yi ta̱ aala Pele, adama na a̱tsuma̱ a rana va̱ yi ɗa e ne'eshein uvaɗi. Aala a za ire va̱ yi a̱yi ɗa Jokatan. 26 Reve Jokatan matsan aza a Alumodad na aza a Shelefa na aza a Hazamawe na aza a Jera waru, 27 na aza a Hadoram na aza a Uzalu na aza a Dikala waru, 28 na aza a Oba na aza a Abimaye na aza a Sheba, 29 na aza a Ofiri na aza a Havila na aza a Yoba waru. Suru nle muwun mu ugundo ma Jokatan n ɗa. 30 Eɓele a na a̱ da̱nuyi u pasa ta̱ diga Mesha a̱ mɓa̱nga̱ ma Sefa, lyuci va agaɗi a asana. 31 Ele nda ele ɗa muwun mu ugundo ma Shem, na̱ matsun le, ne elentsu e le nu uba̱ta̱ a̱ nden n le ni iɗa i le.

32 Ele nda suru ele ɗa muwun mu ugundo m muwun ma̱ Nuhu ukuruwula̱i, o una̱ wi iɗa i le. Diga lo ɗa iɗa i bazai uba̱ta̱ suru a̱tsuma̱ o uvaɗi ana o kotoi iro'i i gbain.