Paulu Kunembo Lyomuleli Galiyo
12 Iino Galiyo naakazooba muleli we cooko ca Akaya, Majuda bakeza antoomwi okujata Paulu okumweeta kunembo yomuleli Galiyo kuzoatulwa, 13 kabateeti, "Ooyu mwaalumi uyembulula bantu kukomba Leza munzila iteendelani omulawo!"
14 Paulu uciyanda feela kwaamboola, Galiyo wakaambila Majuda kuteeti, "Nikwali kuteeti ninkani yomulandu naanga kulubizya nindakumvwa kutongooka kwenu, no Majuda. 15 Kono kaambo kokuteeti ninkani yokukazyanya amajwi, amazina omulawo wenu feela, nywebo no Majuda amukazibambe nobamukamwini! Tandiyandi kwaatula zili namu." 16 Mpoonyina wakabatandila anze lye nkuta. 17 Mpoonyina Majuda bakajata Sositenesi mweendelezi wecikombelo okomuumina kunembo lye cibbula cobwaatuzi. Kono we Galiyo wakazilaanzya feela meenso eezi.